Page 104 - AHATA

Van de Kamp a haci enfasis riba e hecho cu e zorgpas di AZV solamente ta valido na
Aruba, manera ta specifica den e carchi mes bao potret di e asegurado.

Pesey tur persona cu sali di Aruba pa cualkier motibo, tin cu regla un seguro di viahe pa

si acaso bira malo den exterior wordo yuda, y ora e bin bek Aruba por sigui e
tratamento.

Van der Kamp a señala tambe cu ora un persona ta bay afo pa tratamento medico, via

AZV, tambe ta necesario pa tin un seguro di biahe, pasobra si e persona ta bay pa
tratamento di curazon pero e ta kibra su pia, e no ta bay cay bao di AZV y ta hopi
importante pa e acompañante tambe tin un aseguro medico, por si acaso algo pasa.

El a bisa tambe cu e personanan cu ta ricibi tratamento di dialisis tur siman, esey no
kiermen cu nan no por bay cu vacacion afo. Tin manera pa un pacient di dialisis bay cu
vacacion y di antemano e por regla esaki cu Centro di Dialisis na Aruba, pa e suma cu
AZV ta paga na IMSAN of Hospital por wordo paga na e Centro di Dialisis den exterior.

Tambe el a aconseha personanan cu tin malesa cronico y tin cu tuma tratamento tur
dia, pa wak si tin suficiente pa ora di bay vacacion afo, y no ta asina papia cu e docter
di cas of specialista pasobra nan por zorg cu e botica, pa e persona haya suficiente

remedi pa e temporada di vacacion, pa e no keda sin remedi ora e ta afo.

El a menciona cu sa pasa cu hendenan cu ta bay den exterior y algo sosode, ta hopi
fastioso si nan ta haya nan mes den gastonan halto pa tratamento medico y AZV no tin

un manera pa yuda.

E funcionario di AZV a subraya cu e ley ta hopi specifico. E organo ehecutivo ta aplica e
ley di AZV y no por wordo cambia y no por paga ningun gasto di cuido medico den

exterior, sin cu e ta aproba di antemano pa AZV.

https://www.diario.aw/2019/06/pr-di-azv-joost-van-de-kamp-ta-enfatiza-riba-necesidad-di-seguro-di-
viahe/