Page 25 - AHATA

Diaranson, 26 juni 2019 AWEMainta 17

No mas hotel, tabata motibo di protesta na Sero Colorado

EN total a bin 50/60 hende y Aruba Warriors ta satisfecho cu e
cantidad di hende cu a saca nan cara cu curashi pa bin protesta.

Esaki t’e comienso.

“Nos lo sigui protesta contra hotel na Sero Colorado. E impacto
ecologico riba e lugar lo ta devastador y pueblo lo perde su lugar

di relaha den tur trankilidad.

E lugar tin un balor historico y arkeologico di gran importancia

pa Aruba. Nos beachnan na Noord ya a bay perdi caba pa pueblo
Arubano. Nos no tin nada di bisa mas eynan. Ademas Aruba ta

yen te di mas aworaki caba.
Trafico pega, 15 mil Venezolano iregular sin conta e miles di ile-

gal scondi riba Aruba. Mas hende kiermen un presion inmenso

riba nos AZV, SVB, Enseñansa y mas tereno mester wordo rosa
pa cas.

Mas hotel kiermen tambe mas sushi. Coalicion tampoco no a bin
cu solucion pa un maneho di sushi na Aruba. Gobierno enbes di

sigui fiesta pa baster cu placa mal ranca foi pueblo, mester bay

busca solucion pa drecha San Nicolas y stop di prostitui Aruba!
Cu e protesta aki Aruba Warriors a cende e mecha di e lucha

sagrado pa proteha nos Aruba stima. Mas accion lo sigui. Nos
mester proteha Aruba pa yiunan di nos yiunan”, te mensahe cu

a ser manda.

TIN HOTEL TE DIMAS

Ya tin suficiente hotel na Aruba, segun Helena Croes di Aruba
Warriors, agregando cu trahando mas hotel no lo haci cu nos eco-

nomia lo crece. Den e mesun rosea el a comenta cu mirando cu

tin un hotel caba den centro di San Nicolas, dicon no caba cun’e
y mira si en berdad ta necesario pa traha un hotel na Sero Colo-

rado. Helen Croes a agrega cu mester drecha Centro Colorado, cu

ta den un estado deplorabel, na lugar di bin cu e idea pa traha un
hotel parti p’ariba di nos isla.

LO SIGUI IMPORTA TRAHADONAN DI AFO

Aruba tin suficiente cu ta nifica importacion di trahadonan stra-

nhero, segun Faritah Luidens. Y fuera di esey, ta nifica tambe
mas turista, y e cantidad di sushi cu ta produci, ta bira mas, con-

secuentemente e sushi riba dump lo aumenta.

Aruba ta mucho chikito pa tin asina tanto hotel, compaña p’asina
tanto hende, Farita Luidens a comenta.

Turismo ta bon, pero mester bin cu un sistema di transporte gra-
tis pa nos bishitantenan bin e parti mas pariba di nos isla, p’asina

nan por bishita Baby Beach.