Page 76 - AHATA

E preocupacion aki no ta di awor pero di basta tempo caba y incluso tambe den su
ministerio ta sinti esaki.

Minister Oduber a subraya cu, no obstante, no por generaliza cerca tur operador ni tur

usuario, turista of local, cu nan ta haci algo robes cu e mashinnan aki.

E mandatario a remarca cu al contrario, ta un grupo hopi chikito, hopi reduci, esun cu
ta haci daño, pero realidad ta cu gobierno tin un deber y responsabilidad pa carga pa,

entre otro, e seguridad den trafico, naturalmente atravez di loke ta permisible y kico no
ta permisible; loke ta wordo gekeurd door di DTI, como departamento cu ta cay bao di
su responsabilidad.

E dignatario a indica cu e peso principal y e discusion mas grandi cu tin den comunidad
ta e daño cu esaki ta haciendo na e momentonan aki riba nos medio ambiente, no
solamente e destruccion cu ta tuma lugar, hopi biaha coriendo riba lugarnan cu no ta
permiti, por ehemplo nan ta hinca e mashinnan aki den awa, cu por ocasiona hopi daño

na nos flora y fauna marino; tera y stof tambe cu ta wordo lanta y por bira un problema
pa comunidad.

Tur esaki a haci cu e tema aki, enberdad a haya hopi atencion den nos comunidad y pa

cual Ministerio di Infrastructura for di final di April -cuminzamento di Mei, a pidi un
conseho na e Comision di Flora y Fauna cu ta uno instala pa ley a base di e Ley di Cuido
y Naturaleza.

Minister Oduber a duna di conoce cu dia 10 di Juni el a ricibi e conseho di e Comision, y
esaki di biaha a wordo dirigi na diferente departamento manera DNM (Departamento di
Naturaleza y Medio Ambiente) pa duna e feed back necesario.

Ademas a atende esaki cu Director di Departamento di DTI, di cual diferente conseho a
bin dilanti, y ta wardando awor riba uno definitivo. Nan a reuni tambe cu Cuerpo Policial
cu ta esun cu ta eherce control riba caminda.

E dignatario a subraya cu na final di dia, e intencion no ta stroba of perhudica e
operacion di e vehiculonan aki riba caminda cu ta parti di e industria turistico, di e
experiencia y di e producto cu Aruba ta ofrece.