Page 97 - AHATA

Opinion: E necesidad di supervishon

financiero externo

Posted on 06/25/2019 4:30 pm AST | Updated on 06/25/2019 4:31 pm AST

Pa Armand Hessels

Pa di tantisimo biaha tin conflicto atrobe entre Aruba y e partner di Reino mas grandi
tocante ‘metemento di Hulanda den asunto autonomo di Aruba’. Politico Rubiano ta haci
todo por todo pa cueste lo que cueste evita esaki. Nan kier sigui stipula nan ‘mesun
maneho’ y ehecuta esey sin tene cuenta cu norma financiero normal. Nan ta cualifica
esakinan como regla financiero estricto y inhumano cu ta impone pa medio di
‘supervishon financiero externo’. Mientrastanto, e actitud aki a hiba na un debe y interes
cu practicamente no por paga mas y cu ta stroba funcshonamento di mayoria di
departamento di gobierno seriamente.

Ciudadano ta victima

Lamentablemente e conflictonan aki semper ta tuma luga entre politico di Aruba y di
Hulanda. Den tur aspecto, e ciudadano mes ta hunga un papel di victima y den sentido
literal ta paga e cuentanan di e malmaneho y mal administrashon cu pa decada a
caracterisa gobernashon di nos pais.

Esun cu ta paga...