Page 16 - FDLP
P. 16
ATLETANAN DI TAEKWONDO
DI ARUBA TA CLA PA E OPEN
DI COSTA RICA
29 August, 2019, 2:13 pm
Atletanan di Impact Taekwondo, ta cla pa combati den e siguiente peleanan cu lo bay
tuma luga den e dianan aki den e di XII Costa Rica Taekwondo Open G1.
Ya caba atletanan Rouel Baarh y Nathan Fradl tin nan credencialnan pa e torneo.
Rouel a pisa diaranson y a make weight pa e por competi den e categoria -55kg. Y awe
diahuebs, Nathan lo ta pisando p’asina e por competi den e categoria di -73kg, cual pelea
lo tuma luga mañan. E dos atletanan aki ta cay den e categoria di Junior.
Pa awe merdia Rouel lo ta bringando contra Carlos Emilio Garcia di Mexico. Segun
informacionnan parti mainta tabata tin demostracion di Poomsae, cual ta formanan di
arte, sigui pa e torneo, cual Aruba y Mexico lo habri cun’e.
E torneo aki sigur lo ta bay ta un experiencia importante pa e dos atletanan aki cu sigur ta
mas cu orguyoso pa representa nos bandera den e pais Centroamericano aki.
