Page 28 - FDLP

Crash Test Dummies Cycling Club Ta Invitabo Pa

Experiencia Un Bike Fest Extremo

 Deporte
- 29/08/2019

Crash Test Dummies Cycling Club ta organisa su prome festival di ciclismo, unda
ciclistanan di BMX y MTB lo topa otro. E lo ta un dia extremo yena di aventura den e
deporte di BMX y MTB.

E evento lo cuminsa awe diabierna 30 di augustus cu un open training na pista di BMX
Streetwise pa tur e ciclistanan di BMX y lo continua diadomingo 1 di september cu un
careda di MTB sigui p’e competencia di BMX.

Pa cu e deporte di MTB, Crash Test Dummies ta presenta dos ruta hopi intensivo cu
paisahenan hopi bunita den Parke Arikok. Ambos ruta lo start y finalisa n’e pista di BMX
Streetwise. E carreda lo cuminsa pa 7 or di mainta y lo tin e categorianan elite, master,
junior y pre junior tanto den seccion damas como di cabayeros. Tambe lo tin e categoria
cycling for all pa tur esnan cu no tin mucho tempo ta core bais, pero ta desea di challenge
na mes den e deporte di MTB.

BMX lo tuma lugar riba e pista extremo di Streetwise na San Nicolas y lo tin e
categorianan manera challenge, no chain y pro am cu lo subi e adrenalinan di tur
presente.

INSCRIPCION
Lo tin inscripcion, awe diabierna 30 di augustus di 5:00 pa 7:00 di anochi lo tin un anochi
di inscripcion na e pista di Streetwise pa competencia di BMX.

Pa mas informacion por contact nos via nos website: https://www.ctdaruba.com of via
nos e-mail: ctd.aruba@gmail.com