Page 15 - AWEMAINTA
P. 15
Diahuebs, 21 Maart 2019 AWEMainta 15
E ta kere cu un acercamento cu e ser humano central den de-
saroyo di maneho, combina cu inversion substancial den ino-
vacion t’e unico forma di contribui na un futuro sostenibel pa
generacionnan benidero.
E di dos presentacion, dia 28 di maart pa 8:30 di mainta, ta di
distinguida señora Leona Romeo-Marlin, Prome Minister di
Sint Maarten y Minister di Asunto General. Su tema lo enfoca
riba resistencia di e islanan y gobernacion,despues di horcan
Irma y Maria na 2017.
E di tres presentacion, un evento habri pa publico en general,
riba diahuebs 28 di maart di 19:30 pa 21:30, ta di dr. God-
frey Baldacchino, un academico y investigador mundialmente
reconoci, cu a dedica esfuerso y energia considerabel na crece-
mento di area di investigacion di islanan, particularmente pa
engrandece conocemento di e diferente categorianan di terito-
rio di isla chikito. E tema di su discurso ta “Woke up, got out
of bed, dragged a comb across my head: A day in the life of a
SNIJ resident”.
Finalmente, e di 4 presentacion ta na encargo di dr. Peter Clegg,
profesor asocia y hefe di Departamento di Salud y Ciencia
Social na University of the West of England,na Bristol. E ta-
bata un visiting research fellow, tanto na KITLV/Royal Neth-
erlands Institute of South East Asian and Caribbean Studies,
na Leiden, Hulanda, y na Sir ‘Arthur Lewis Institute of Social
and Economic Studies (SALISES)’ na ‘University of the West
Indies’ na Jamaica.
Tema di su presentacion ta ‘Beyond Brexit and Cotonou: New
Regionalisms in the Caribbean?’.
Tur presentacion ta tuma lugar den Aula di Universidad di
Aruba. E conferencia ta apela na academico-, desaroyado- di
maneho, representantenan di ‘NGO’s’, studiante y publico en
general, cu tin interes pa dialoga tocante bida isleño na Aruba,
Caribe, Pacifico y internacionalmente.
Pa registra pa ful e conferencia of un of mas dia bishita: https://
www.eventbrite.ca/e/1st-international-conference-on-island-statesisland-territories-
tickets-52213877112.
Lo anuncia detaye di un foro publico cu entrada liber, pronto.
Pa mas informacion por bishita http://projects.upei.ca/unescochair/island-
statesisland-territories-an-international-conference/ of tuma contacto via is-
lands.conferencearuba@ua.aw.
E comision di planificacion ta gradici sponsornan di e evento.
Sigui na 15>
