Page 107 - KPA

Famia completo a scapa y cacho a muri ora camber a pega
candela den cas na Sero Blanco

Saturday, 22 April 2017 15:00
Comparti

Un famia Hindu a pasa susto di nan bida na momento cu un camber den nan cas a pega candela. Polis y bombero a
wordo avisa cu tin un cas na candela. Ora cu a yega na e sitio a topa cu un camber sacando vlam. Segun e famia, e
mama tabata cushina y nan yiu a core bin avisa cu tin candela den e camber. Ora cu nan a bay mira no por a haci
masha pasobra e situacion tabata basta dificil pa paga.

E tata cu ta cabez di famia a core bay na un camber y di pafo kibra un glas di bentana. A bay pa libera un cacho
chikito cu nan recien a cumpra. Ora a kibra e glas e persona a corta su man. No a logra scapa e cacho pasobra el a
muri den e camber. E homber a keda herida. Dos unidad di bombero a presenta y asina nan a paga e candela. Daño
tabata basta. Personal di ambulance a atende cu e victima corta y otro miembronan di famia cu a pasa den e susto.
Claramente por a mira e dolor den e famia pa perdida di nan mascota. Causa di e candela no ta conoci.