Page 25 - AVP

Lampe: Varios scol na Aruba no ta cla

pa habri diahuebs

Posted on 08/12/2019 3:52 pm AST | Updated on 08/12/2019 3:56 pm AST

ORANJESTAD – Mientras cu scol na Aruba ta habri diahuebs, tin varios cu nan destino
lo ta otro. Minister di ensenansa Rudy Lampe a bisa dialuna den un conferencia di prensa
di gobierno cu varios scol, sea lo no ta cla pa habri at all, of lo habri na un otro localidad
debi cu nan situacion structural no ta cla. E mandatario a haci mencion di varios scol y a
duna un tipo di ‘update’ cortico pa algun di nan. Entre nan, tin Beatrix School cu ta
operando for di dos diferente localidad, pasobra e edificio mes no ta apto. Dornasol na
Burunbundo no ta habri , y ta preparando modules pa usa como lokaal, pero nan lo no
keda cla pa diahuebs awor. E mandatario no a bisa ki dia nan lo cuminsa. Tin tambe
Fontein School na San Nicolas unda cu a fuseer dos scol (PieterBoer y Fontein). Eynan
tin verfmento ta tuma lugar. E dependence di Colegio Arubano San Nicolas, na Dakota,
nan ta trahando ariba y tampoco lo keda cla pa diahuebs. Regina School tambe a wordo
menciona cu lo cuminsa dialuna awor pero ubica na Centro di Bario Dakota. SPO Sta
Cruz no ta cla ainda pasobra e doño di e trailernan apenas awor a cuminsa muda nan pues
no ta keda cla pa duna les eynan diahuebs.

E mandatario ta culpa e gobierno anterior pa a laga e scolnan aki den e estado cu e
gobierno actual a haya nan aden. Y mes momento a gradici e docentenan cu den periodo
di vacacion a yuda pa nan lokaalnan keda cla, dorna hopi biaha cu material cumpra di nan