Page 20 - FDLP
P. 20
ORANJESTAD (AAN) – Aruba Soccer Academy ta orguyoso di anuncia e di dos edition
camp di futbol den colaboracion cu Sparta Rotterdam cu ta bay tuma lugar aki na
Aruba.
Sparta Rotterdam ta e club di futbol profesional mas bieu di Hulanda (desde 1888), y
tambe ta un di e fundadornan di futbol profesional di e pais aki. Hunto cu e club aki, cu
ta den Eredivisie, Aruba Soccer Academy ta organizando un futbol camp di 22 pa 26 di
April pa hoben entre 4 pa 16 aña.
Pa e prijs cada mucha ta ricibi extra banda di e training, un uniform set completo di e
marca di calidad Robey, certificado di participacion, un lunch y fruta y coi bebe
diariamente tambe ta inclui.
E camp ta bou di guia di top coachnan di e Sparta Jeugdopleiding, cu apoyo di e
coachnan certifica di Aruba Soccer Academy.
E Sparta Camp aki no lo ta posibel sin apoyo di sponsornan, y Aruba Soccer Academy
kier a tuma espacio pa gradisi nan cu tur mucha tin un lunch saludable y sabroso
despues di nan training.
Aruba Soccer Academy ta invita e hoben nan di Aruba pa registra lihe ya cu cupo ta
limita, y mas cu 70% di e camp ta yen caba. Probecha di e oportunidad unico aki di
train bow guia di e coachnan di Sparta su Jeugdopleiding cual ta reconoci na Hulanda
como un di e mihornan. Nombernan conosi cu a yega di gradua di Sparta Rotterdam su
Jeugdopleiding ta Memphis Depay, Georginio Wijnaldum, Kevin Strootman y Jetro
Willems cu ta di nos Hermana isla Korsow.
