Page 32 - AAA
P. 32
Comandante Edward de Cuba: Lo bay busca un crash truck,
pushando pa un di dos truck pa Cuerpo di Bombero sumando
total 4 miyon Florin
Saturday, 21 January 2017 14:12
Comparti
Comandante Edward de Cuba, di Cuerpo di bombero, a splica cu siman pasa a bay un team chikito na e fabrica di
Rosenbauer. Nan a bay locual ta yama e pre-build di e truck nobo pa Brandweer Aruba. E ta necesario pasobra e
ultimo truck a wordo busca na 2002. Esey ta bisa caba cu e truck mas nobo ya tin 14 aña di existencia y esey ta pone
cu mester keep up atrobe cu e mesun tecnologia di e trucknan.
Eynan tambe tabata tin un trayecto basta largo, pasobra no ta trucknan barata. Nan ta wordo traha special pa Aruba,
pa e situacion na Aruba, pa e tempo cu tin na Aruba, e solo cu nos tin, e atmosfera cu nos tin, te na e fuel cu ta wordo
uza den e trucknan.
Esey tambe tabata un discusio basta fuerte pa basta largo, cu atrobe tin cu bisa, danki na Minister sr. Vos y sr. Tromp
y minister Dowers, kende a bay ministerraad pa convence nan cu e placa ey ta necesario, aunke cu e ta hopi, ta
necesario pa upgrade e brandweer, pa keda cumpli cu aeropuerto, cu ta trece e turistanan y economia pa Aruba.
Cuanto truck
Un truck asina ta costa den careda di 2 miyon florin pa truck. Awor aki tin un planning traha pa e aña aki cuminsa cu
un y por ta den mita di aña bay pa un di dos, pa asina tin un cobertura mas amplio y mas sigur di aeropuerto. Placa
tey pa un sigur. E ora e aña aki, minister di finansas, sr. Bermudez y tambe minister Dowers, a hinca den otro cu na
cuminsamento di aña lo traha riba e di dos.
Parti di e tecnologia nobo tin un punta riba e dak cu ta perfora door di avion y ta paga un candela den e avion sin cu
mester drenta fisicamente como bombero den e avion. Esey ta cosnan nobo na Aruba y ta nobo rond di mundo
tambe cu ta cuminsa wordo exigi awor aki pa tin por lo menos un di e trucknan ey den servicio pa por haci e
atakenan specialisa, ora di un incidente.
