Page 43 - AAA

Ta trahando duro pa elimina e di dos punto di seguridad na
Airport biahando pa Merca

Sunday, 22 January 2017 11:41
Comparti

James Fazzio cu ta CEO di Airport di Aruba a splica cu den e parti Mericano, tin cu pasa dos punto di control. Segun
James Fazzio esaki ta den mente y den plan pa wordo elimina pronto. Esaki ta un di e prioridadnan mas grandi. E
desaroyo aki, e punto central ta den e sistema di maleta. Esaki lo permiti pa elimina e bagage reclaim pa e parti
Mericano y subsecuentemente ta elimina e di dos punto di siguridad.

Ora cu esaki keda cla, ta check in e maleta, ta bay imigracion, ta bay directamente den passanger screening y ta bay
directamente den US pre clearance y a caba.

Reunion cu US Customs

Aeropuerto tabata tin bishita for di Washington pa percura cu e concepcionalmente nan ta bay di acuerdo cu e
direccion cu nan ta bayendo. Pasobra nan ta den cuminsa pa gasta miyones den diseña. Y nan no kier cuminsa
diseña algo cu mester hopi rekerimento. Tabata tin un bon briefing na Washington DC for di tanto US Customs y
TSA riba e programa di rekerimento den e orden pa pone e sistema na su luga y lo bay tuma e rekerimentonan aki y
convirtie den ingenieria y diseño.

Fazzio a splica cu ta spera pa otorga e arkitectonan e proceso na Maart, y lo ta un proceso di 9 luna. Durante e
periodo aki, lo bay tin algun ingenieria cu nan tin cu wordo movi, manera e utilidadnan, substacionnan di coriente,
chillerplant, etc. Esey ta pa cuminsa cu e proyecto. Esaki tambe ta inclui 3 gate y area di espera. Ta un proyecto di
desaroyo pa e aeropuerto. No solamente e sistema di maleta, aunke cu e ta centerpiece di e programa.

Siguridad local y US Customs hunto?

Semper siguridad local y US Customs ta traha hunto, y ta necesario. Loke lo bay ta un streamline e procesonan aki
un tiki y una bes cu pasa e US pre clearance, e pasahero ta cla. E siguridad lo ta hopi mas miho, Fazzio a finalisa.