Page 25 - MIN ECEM 25 FEB 2017

E aña aki International Labor Organization (ILO) a organisa na Jamaica su di 10
conferencia caminda 11 Minister di Trabao di Caribe ta reuniendo.

Durante e conferencia aki e topico central ta pa crea mas protection di trahador y
promocion di mas empleo.

Aruba ta representa pa Minister di Asunto Social, Hubentud y Trabao, drs. Paul Croes.

Tambe presente p’e ocasion special aki ta Director General di ILO, sr. Guy Ryder.
Minister Paul Croes tabatin e honor di por a combersa cu sr. Guy Ryder riba e
desaroyonan den nos region. Alabes a intercambia di idea riba con pa sigui mehora e
posicion laboral y tambe e garantia di mas empleo.

Minister Paul Croes a mustra riba e diferente proyecto cu ta haciendo na Aruba pa apoya
hobennan y cu nan tambe por yega na un empleo.

Banda di e encuentro aki Minister Paul Croes a hiba dialogo cu varios otro Minister di
Trabao proveniente di varios pais den nos region cu por conduci na colaboracionnan
balioso.

E conferencia aki cu ta carga como tema principal: ‘The Future of Work’ ta enfoca riba e
diferente reto cu paisnan tin den e mundo globalisa di awendia.

Durante e proximo tres dia, e titular di Trabao tin riba su agenda pa participa den
diferente encuentro, reunion y otro actividadnan cu ta aporta positivamente n’e maneho
di sector laboral na Aruba.

http://awemainta.com/minister-paul-croes-a-sinta-cu-director-di-international-labor-
organization-ilo/