Page 7 - AWM21JAN2017

AWEMainta Diasabra, 21 Januari 2017 7

Miss Aruba Charlene

Leslie scogi como

modelo di liña di paña

di Miss Universe

NOS Miss Aruba srta. Charlene Leslie ya caba tin
1 siman na Filipinas unda cu e ta participando den
diferente desfile y photoshooting. Un noticia grato
cu nos a ricibi ta cu nos Miss Aruba a wordo scogi
pa ta un di e 5 modelo cu mester a saca potret cu
e mercancia oficial di Miss Universe. Esaki sigur ta
mustra cu e organisacion ta reconoce su potencial
como modelo.

Charlene ta conta nos cu su dia ta cuminsa rond di
4:30am y ta termina rond di 1:00am tin dia.
E ta un trabou duro, pero e ta haciendo e cu hopi
amor pa Aruba. Charlene a ricibi un sorpresa hopi
grato ora cu durante parada na Baguio el a mira un
spandoek cu su nomber y potret yamando e bon bini,
esaki a toca su curason y a keda masha agradecido na
e respaldo y apoyo cu e ta ricibiendo.

Dia 23 di januari e sistema di votacion lo habri y aki
ta unda cu Aruba mester uni y vota en grande pa nos
Miss Aruba. E ganador lo tin un spot garantisa den
e 12 finalista dia 29 di januari, 2017. Pa sa con pa
vota por bay riba Charlene su pagina di Facebook
“Charlene Leslie” y sigui e instruccionnan.
Nos ta pendiente tambe di e delegacion cu lo sali
pa bay apoya nos Miss Aruba diadomingo awo. Di
e forma aki nos lo ricibi mas informacion cu nos lo
comparti cu Aruba completo.