Page 29 - ATA

Esaki ta e caso den otro empresanan tambe cual trahadornan no kier tende di Diego de

Cuba y STA mas. Awor cu trahadornan di Airport a vota pa FTA, diripente Diego de

Cuba a perde cabes y ta buscando reunionnan pa loco cu gerencia di airport. Awor Diego

de Cuba kier cuminsa pidi referendum pa seccion den departamentonan di Airport. No sa

si realmente Diego de Cuba lo logra esaki.

E trahadornan mayoria a mustra nan confiansa caba den FTA despues cu pa algun aña

Diego de Cuba ta manipulando y a logra pa fix su mes y no para pa e trahadornan. E

sindicalismo populista na dado momento no ta funciona mas despues cu e miembornan

mes ripara cu nan no a bay dilanti. E interes di Diego de Cuba ta mas personal. E ta usa

medionan di comunicacion pa haci Sindicalismo Populista. Y awor tur hende a mira cu

hasta Diego de Cuba ta un Sindicalista cu vinculonan politico. E problemanan cu tin na
cierto empresa di gobierno cu Diego ta representa, awe cu tin hopi problema no ta tende

di Diego sali pa nan. E dolor di mas grandi y e sla mas fuerte awe ta e resultado di e

referendum na Airport.

STA ta un sindicato di Airport cu ultimo añanan a laga e trahadornan na caya. Despues di
decadanan e sindicato di cas cu ta STA ta wordo saca y otro sindicato mas serio cu ta

FTA ta drenta. Claramente cu e cartanan cu a bay di STA pa gerencia di airport ta
confirma e desesperacion di Diego de Cuba cu ta sigui purba manipula hendenan via

cierto grupo di prensa chikito. Esaki no ta yuda pasobra ya caba cantidad grandi di

trahado a perde confiansa y no ta interesa den STA. STA actualmente ta cobrando placa

di miembrecia di trahadornan cu masha tempo a distancia nan mes di STA. El a hinca e

cos asina bon den otro cu ta dificil pa stop e pago di nan salario pa STA mesora. Ademas

STA ta e unico sindicato cu tin mesun president, no tin eleccion y ningun presentacion di

relato anual.