Page 43 - ATA

Si tin un negoshi sigur y stabiel den nos
comunidadnan moderno, ta e negoshi di entrega di combustibel si e ta wordo maneha
manera mester ta.

Esaki sigur ta conta pa un pais chikito manera Aruba cu por tin solamente un compania
petrolero activo pa por controla e curason di economia di e pais.

Historia di Aruba mes ta demostra cu for di e crisis mundial di azeta na decada ochenta,

ta sumamente dificil pa atrae un compania pa e refineria of upgrader manera e ta te
awor.

Tur compania cu a bini Aruba a faya pasobra negoshi ta negoshi y ta costa basta placa
pa pone e refineria di nos produci azeta den su condicion basico como upgrader y cu su
edad.

Negoshi ta keda negoshi a menos, manera ta e caso di Nicolas Maduro, mester di un

compania petrolero cu ta permiti placa pasa. Nicolas Maduro manera tur prueba ta
demostra, tabata tin mester di un refineria pa directamente of indirectamente placa di
Citgo pasa y casonan den man di husticia Mericano y rond mundo, ta papia un idioma

cla.

Un compania cu kier ganashi normal, tin problema pa haci esaki cu e refineria manera e
ta actualmente.

Loke si ta atractivo pa e compania ta e negoshi di combustibel local y trasborda
petroleo di un luga pa otro.

E dos negoshinan aki ta e negoshinan mas sigur den un situacion normal y nan mester
bay hunto.