Page 25 - HOH

A16 HENDE
Diabierna 2 augustus 2019

Hospi Bondi Camp un bes mas yena di color

ORANJESTAD - E aña aki atrobe a tuma luga e tan
gusta Hospi Bondi Camp di Dr. Horacio E. Oduber
Hospital. Pa 27 aña largo empleadonan ta trece nan yi-
unan of nieto durante vakantie grandi pa gosa durante
dos siman. E muchanan a disfruta di un programa su-
per varia yena di actividad rond di Aruba pa 2 siman
largo.

E aña aki a conta cu participacion di 175 mucha, 78 lider, assis-
tent y boluntario pa yuda e comision. E organisacion di Hospi
Bondi ta existi pa 27 aña di cual Noralfa Eckmeyer ya pa 5 aña
ta na cabes di e organisacion hunto cu otro 2 persona. Manera
tur otro añanan, e prome dia a cuminsa riba un dialuna, unda
a parti e muchanan den grupo, canta himno di Hospi Bondi y
despues a cana bay lama.
Otro actividadnan cu tabatin pe muchanan tabata Phillip Ani-
mal Garden, Butterfly farm, Bowling, Ayo Rock Formation,
Jaburibari. Tambe e aña aki tabatin un sorpresa pe muchanan
riba diahuebs, unda a bay Cas di Cultura y por a scucha e
orkesta di Aruba Symphony.

Noralfa Eckmeyer, lider di Hospi Bondi Camp, a duna di
conoce cu e dos simannan a bay hopi bon y tabatin hopi sor-
presa na ultimo ora.

Dilanti di un publico grandi di mayornan, e muchanan a clau-
sura e camp cu diferente presentacion di baile basa riba e tema
“Color me Crazy”. E lidernan y assistentnan tambe a organisa
un baile pa termina e camp cu yen di alegria. Aunke cu ta de-
pende di directiva di hospital, Noralfa Eckmeyer ta spera pa
otro aña nan t’ey bek cu Hospi Bondi Camp.

E organisacion di Hospi Bondi Camp ta gradici Hunta di di-
rectiva di Hospital pa duna nan e oportunidad pa organisa e
camp un biaha mas. Gradicimento na tur departamento di
Hospital cu contribui di un of otro manera na haci e camp
posibel. Tambe na ABV ta manda palabra di danki pe regalo
cu nan a ricibi. Danki grandi ta bay na tur e lidernan, tur e
miembronan di comision y boluntarionan cual ta e curason di
e camp. Sin boso e no lo ta posibel!