Page 63 - HOH

Hoek a menciona cu e temperatura ta mas halto cu normal. Generalmente pa e
temporada aki e ta 33 grado, pero aworaki e ta pasa esaki. El a indica cu e indice di
calor ta mas halto cu normal vooral di 11 or pa 1 or.

E ta recomenda tur hende pa tuma suficiente likido, preferiblemente awa, zorg pa ta
den lugarnan fresco, den airco, specialmente mucha y hende grandi cu ta esnan mas
vulnerable.

Tambe e personanan cu ta traha cant’i caminda of den beach cu ta henter dia den solo,
mester tuma hopi awa. Tene cuenta tambe cu e señalnan cu curpa mes ta duna. Si e
persona ta haya sed, dolor di cabes, stoma ta cuminza bira, sinti cansancio, aunke en
principio no ta motibo pa core yama ambulance, e persona mes por haci algo na dje

door di tuma suficiente likido.

Mester tuma no menos cu 2 liter di awa pa dia, of 30 mililiter pa cada liter di peso. Hopi
mucha cu ta den camp of ta bay cant’ i lama ta keda hopi rato den solo mester uza

protector solar, bisti paña adecua, uza pechi pa proteha di solo, wak pa nan ta den
sombra y no bao di solo directo.

Tambe e ta aconseha pa cushina e cuminda di merdia, mas tempran cu ta menos

caluroso.

Sr. Hoek a splica cu Ambulance ta bon prepara y nan tin tres unidad y ta pidi si pa ora
yama 911 specifica exactamente kico ta e caso. Ainda ora di haci yamada e central no

ta haya suficiente informacion. Trafico a bira un reto pa ambulance door cu hopi
caminda ta cera, sr. Hoek a comenta. Tin rutanan alternativo cu na cierto momento
tambe ta bira congestiona. Sr. Hoek ta haci un yamada na tur persona cu ta den trafico
pa duna espacio na Ambulance. Corda cu e number pa emergencia ta 911. Tin hende

ta yama number 100 pero polis tin cu yama 911 toch. Asina sr. Hoek a conclui.

https://www.diario.aw/2019/08/temperatura-e-dianan-aki-ta-riba-33-grado-y-mester-tuma-minimo-2-
liter-di-awa-pa-dia/