Page 16 - MIN ARENDS 31 DEC 2016

Minister Richard Arends tabata hefe di delegacion pa loke ta negociacion cu Citgo Aruba. E tabata tey na
un occasion sumamente importante caminda mas y mas ta yega na un momento crucial unda cu
hendenan ta bay drenta na gran escala pa cuminsa traha den e refineria.

Arends a splica cu di berdad normalmente ta haya e updatenan regular di Citgo pa loke ta trata e preparacionnan pa
loke ta rehabilitacion di e refineria y diamars tabata un tiki mas formal, caminda cu Citgo ta bin duna Gobierno di
Aruba e update pa loke ta trata e timeline pa cuminsa cu e trabaonan di rehabilitacion di e refineria.

Citgo ta aim pa cuminsa cu e trabao aki na cuminsamento di otro aña unda cu lo bay cuminsa wak actividad pa loke
ta rehabilitacion di e refineria. Esey obviamente bao di responsabilidad di Minister di Economia ta hopi importante.
Gran parti di e crecemento economico cu ta premira pa e aña aki ta danki na e reapertura di e refineria. Diamars a
bin hunto, hunto cu e representantenan di Citgo na nivel di mas halto y tambe como esnan cu ta lidera e proyecto aki
na Aruba, sr. Zambrano, pa duna Gobierno di Aruba un update pa wak den ki fase nan ta y cuanto falta, pero tur cos
te awor aki, ta mustra cu nan ta riba schedule y cu un biaha mas sin precedente e ultimo refineria cu a habri ta
Coastal. Tabata casi un aña y 7 luna pa cuminsa di berdad opera y cuminsa cu nan actividadnan y ta mirando cu den
un periodo basta cortico di 4 luna, ta bay cuminsa cu e actividadnan fisico di e rehabilitacion tur e temponan aki.
Citgo tabata bezig for di prome dia caba, ta haci trabaonan di analisis, di investigacion, di tur loke ta e trabaonan
preparatorio pa por cuminsa cu rehabilitacion di e refineria.

http://www.24ora.com/index.php?option=com_content&view=article&id=117173:minister-richard-
arends-citgo-ta-riba-schedule-pa-cuminsa&catid=1:local&Itemid=5