Page 7 - AM190701

Dialuna, 1 juli 2019 AWEMainta 7

Parlamentario Alan Howell (POR)

contento cu tur cambio di SPO y

Tra’i Merdia lo keda ‘on hold’

Parlamentario Alan Howell papiando

riba e decisionnan tuma dor di Gobierno

pa loke ta Tra’i Merdia y SPO a indica
cu “como Parlamentario bo mester para

100% tras di pueblo y su bienestar.

Mi a haci publicamente un peticion na Go-

bierno pa pone tur cambio di SPO y Tra’i
Merdia on hold.

Awe mi ta satisfecho cu Gobierno a pone

tur cos on hold. Tur cos ta keda “as is”. I
approve this decision”.

E ta indica cu Gobierno a mira e impor-

tancia di Tra’i Merdia y lo lague manera

cu e ta n’e momentonan aki, mientras cu
despues, conhuntamente cu esnan encar-

ga lo bay traha riba e cambionan necesa-

rio den futuro pa pone e mucha central y
enfocando riba e retonan social.

Pa loke ta SPO tambe Gobierno a tuma

decision pa laga e skolnan manera cu nan

ta n’e momentonan aki y no muda esun di
Santa Cruz pa Brazil y cu lo atende cu e

problemanan infrastructural di e edificio

na Brazil awor cu vakantie escolar cum-
insa.

Parlamentario Howell ta aplaudi e deci-

sionnan aki cual ta trece trankilidad p’e

maestro, mayor y muchanan di tanto Tra’i
Merdia como SPO y lo duna un empuhe

mas grandi p’e aña escolar nobo cuminsa

cu mas entusiasmo y deseonan di mehora-
cion.

“Together We Can Make It Better”