Page 43 - MIN ON 31 MARCH 2017

Ta spera cu e caso aki por yega na un solucion prome cu e fin di aña escolar. Di
parti SIMAR, nan abogado ta trahando ariba e caso pero no ta algo cu ta bay
facil. Ta manda carta pa Minister, pero no tur ora ta haya contesta.

Tin confusion den kico a wordo regla ultimo biaha, pasobra cu minister tabata
palabra toelage of no toelage, despues tabata periodiek, despues a haya un
parti di nan salario cual despues a wordo kita bek for di nan.

E managernan mes a haya un presentacion di e grupo Advanced cu a bin pa
presenta e organogram nobo pa e structura di EPI. E investigacion cu nan a haci
y pa nan a presenta con lo ta e idea pa e organisacion aki, con e lo bay existi
den futuro. Tin dos proposicion riab mesa. E managernan a bin cu algun idea
dilanti y nan a haya un carta di Minister cu ta confirma esaki. Minister tambe a
haya e informacion di e grupo Advanced cual lo dura 3 pa 4 siman mas.

Den e feedback haya for di e managernan, nan no ta sigur kico lo ta nan funcion
den e structura nobo ya cu esaki no ta mucho cla pa nan, segun Sra. Tromp.
Simar caba a papia cu nan abogado ariba vario scenario y kico esaki lo nifica pa
cada manager. Un manager a acerca SIMAR cu tur su preocupacionnan y SIMAR
a presenta esakinan na nan abogado. Y SIMAR ta haci un apelacion na tur
manager cu tin cualkier preocupacion, acerca SIMAR cu esakinan.

Al momento, Sra. Ankie Danker ta encarga cu e scol en general. Den e structura
nobo, lo busca un Director General y tambe un decano, tambe cuanto manager
y ki ocupacion cada manager lo bay tin, segun Sra. Sheila Tromp, di sindicato
SIMAR.