Page 39 - FDLP
P. 39
Ta parce cu e carga tin como 10 aña warda den
bodega Arubaanse Voetbal Bond no sa di ningun
cargamento di bala
September 22, 2018
Lo parti como 2000 bala di futbol entre clubnan proximamente
ORANJESTAD, Aruba: “Nos no tabata sa di ningun cargamento di bala di CONCACAF pa AVB. Ta riba
Facebook nos tambe a mir’e, pero nos no conoce e agencia di carga ey y mi persona nunca a wordo notifica cu
tin carga pa nos”, asina ing. Richard Dijkhoff, Presidente di Arubaanse Voetbal Bond (AVB) a reacciona riba e
publicacionnan riba red social relaciona cu destruccion di un cargamento di bala. “Ohala nan por a informa nos
di e cargamento pa asina nos por a haci e tramitenan financiero pa asina ainda evita cu nan a wordo destrui.
Pasobra pa AVB ningun momento e lo tabata un problema pa paga e invoerrechten, manera cu varios
personanan a insinua” asina e Presidente a splica. “Na e momentonan aki mes AVB a caba di paga un suma
basta halto na invoerrechten pa 2 container cu a yega cu materialnan pa parti entre e clubnan miembro y no ta
asina cu AVB no tin fondo pa por a saca e balanan aki tambe”. E federacion di futbol di nos isla regularmente
ta bestel bala y ta parti nan entre e clubnan afilia.
