Page 23 - AHATA

“Mi a scucha den fin di siman den strategianan cu ta wordo treci dilanti, cu Serlimar ta
bay cumpra 20 truck di chica pos, mientras cu ta bisa e companianan aki pa lanta y
manifesta contra Gobierno”.

“Tur esaki ta mentira, esta informacion incorecto”.

“Serlimar no ta bay haci ni mas ni menos trabao di locual e tabat haciendo”.

“Te dia di awe Serlimar ta e unico compania na Aruba cu ta maneha cu desperdicio di
sushi”.

“Ora cu companianan priva ta gana placa y bay recoge sushi na cas di hende, ta

Serlimar ta maneha e sushi ey”.

“Te dia di awe no tin ningun compania cu ta exporta sushi, no tin ningun compania cu
tin un planta pa procesa e sushi y pone disparce”.

“Locual ta wordo papia cu e ley ta bay duna un monopolio na Serlimar no ta cuadra cu
berdad”.

Esaki segun Oduber, kende a indica cu e ley ta aclarea si kico ta maneho di desperdicio
di sushi.

“Absolutamente no ta berdad tampoco cu ta bay cobra 17,50 florin adicional riba e 25

florin, pasobra e 17,50 ta parti di e 25 florin”.

“Serlimar ta piki sushi na 40.000 punto na Aruba”.

“Mi a wak un propaganda di Ecogas den fin di siman cu ta bisa cu nan ta haci e trabao
cu menos hende y pa menos placa, pero Ecogas ta piki sushi na 10.000 punto na
Aruba”.

“Mi ta haya lamentable cu un compania priva ta bay den guera cu un compania estatal,
bisando cu Serlimar tin 300 trahador pa haci e mesun trabao cu nan ta haci cu 80
trahador, siendo cu esaki no ta berdad”.