Page 4 - CITGO

Sr. Bikker a splica cu mas aleu tambe por wak cu partinan di asbest ta wordo dera cerca
di e refineria y cu ciudadanonan cu nan rason ta bisa cu nan ta haya nan forsa di bay
Corte pa reinforsa nos leynan. Nos a wak casonan recientemente y poco tempo atras unda
cu no obstante e ROP pa loke ta concerni destinacion di terenonan, ta duna un cierto
destinacion, Gobierno no ta duna permisonan pa opera cierto empresanan tog rib’e
terenonan aki y asina tin un sin fin di ehemplonan caminda por constata cu Gobierno di
Aruba no ta reinforsa nos leynan.

Pero na final di dia, un di e tareanan principal di Gobierno ta reinforsa nos leynan y bo no
por e ora ey como ciudadano wordo forsa cu cada bes mester busca fondonan unda cu no
tin, pa bay busca asistencia huridico pa bay reinforsa leynan. Gobierno ta esun prome
yama pa reinforsa e leynan aki.

Bikker a splica pa duna djis un ehemplo, cu nos gender verordening ta bisa den articulo
14, cu nos Minister di Husticia ta encarga cu si un persona, instancia of compania no tin
un permiso pa opera un dump, e mester inmediatamente bay na cera esaki.

Mas aleu, si un instancia no obstante cu p. e. e por tin un vergunning pero e no ta opera
segun e condicion di e vergunning, Minister di Husticia tin e tools pa enforsa e ley y bisa
cu si e no opera segun e permiso y su condicionnan, e ta bay retracta e permiso eynan.

Pero POR ta constata, lamentablemente, cu Gobierno pa loke ta trata e dumpnan ilegal
aki, Minister di Husticia rib’e tereno aki tampoco e no ta eherce su trabao y ora como
votador e pueblo mester puntra su mes si un Gobierno cu un di su treanan principal ta
reinforsa nos diferente tipo di leynan, si ta pa dump ilegal, pa tipo di empresanan cu no
mag wordo estableci den un bario, si ta pa tipo di terenonan con nan ta wordo uza y na
ken nan ta wordo duna.

Si tin un otro tipo di kehonan sr. Bikker a bay un tiki mas leu, e homber chikito si
cualkier rato cu e kier bende un tiki cuminda of kier haci algo den su cura, of kier djis
haci di un bentana un porta, diripiente bo ta haya cu e no por y cu e mester aplica pa un
vergunning, loke ta corecto pero e ora mester aplica ley den tur linea si.

No por ta asina cu e homber chikito ora e kier haci algo pa subsisti den e economia dificil
akinan ora diripiente tur ley ta aplicable p’e, pero ora ta trata di dump ilegal of
empresanan cu ta wordo estableci contra ley ROP of asbest cu ta wordo dera na un
manera cu no ta conforme e vergunning cu ta wordo duna, diripiente bo ta forsa e