Page 17 - FDLP
P. 17
campeonato Curaçao na penalties. Diasabra nan a sali brabo riba RCA pero despues di 15
minuut Soldatnan Tricolor ta tuma over cu hopi toke di bala y bunita hugadanan.
Toch ta ekipo di Curaçao ta esun cu ta score prome na minuut 65. Drentando den
minuutnan final di e 90 minuutnan reglamentario RCA ta haya un tiro liber y aki Stiven
Melchor ta manda un canjonaso den skina pariba pa mande publico halto y
Scherpenheuvel ta bai plaat. Den e 30 minuut di extra tempo ta Andew Martinez,
Jeanpierre Fingal y Januel Kelly ta amplia pa RCA golea 4 pa 1 y clasifica #1. Na
Curaçao e Campeon Vesta a derota sub-campeon di Bonaire Vespo 3 pa 0.
Na Bonaire ta Real Rincon a gana Nacional di Aruba 2-1. Ambos partido semifinal ABC
Cup ta diasabra venidero. Na Curaçao ta Vesta cu a clasifica #2 vs Real Rincon cu a
clasifica #3, bataya di Campeon Curaçao vs Campeon Bonaire. Na Aruba “un tabla lo
bula” ora RCA topa Nacional. E dos ganadornan lo hunga e gran final ABC Cup 31
augustos of 1 september. E pais unda e Final lo ser hunga ta depende di resultado di
wega. RCA ta invita Aruba completo especialmente Fanaticada Tricolor pa jega y ban
jena stadion cu e Dushi ambiente semper y e vibra positivo. Diabierna atardi den happy
hour, Yazmira ta na Club di RCA cu benta di Shirt, Caps, Jersey y mas.
https://24ora.com/rca-ta-gana-di-scherpenheuvel-y-ta-topa-nacional-den-semi-final-abc-cup-2019/
