Page 10 - WEB

E evento di “Hour of Code” ta pa introduci hobennan na e ciencia di “coding” y “programming”. Un team
consistiendo di “Developers” den e team di IT di Aruba Bank a forma parti di e mainta aki. E coleganan tambe
a haci un “Demo” di un ehempel con un “simple coding” por soluciona un problema of haci e proceso mas
facil of eficiente pa un scenario den banco.

E meta di e iniciativa di Hour of Code ta hopi importante pa mundo henter, mirando cu tecnologia ta forma un
parti primordial awendia. Ta importante pa nos den sector priva por yuda nos hobennan cu “skills” of

habilidadnan cu lo yudanan ta mas innovativo cu nan por uza den cualkier profesion den futuro.

E programa aki di Hour of Code (available riba Hourofcode.com) ta available y ta diseña pa tur hende desde 4
aña di edad, y e ta available full aña pues no solamente durante e siman of dia di “Hour of Code”.

Cuminsa siña e muchanan na un edad trempan, nan ta crea un fundeshi pa ta mas exitoso na unda cu nan bay
den e mundo moderno aki. Aruba Bank ta contento di por a organisa e “hour of code” pa yuda e muchanan
sigui desaroya nan mes pa mundo cu ta birando mas tecnologico. Ta gradici maestronan di Pius X School pa a

acepta e invitacion di Aruba Bank.