Page 28 - MIN JUS

Minister di Husticia relaciona cu incidente di Club 297: Un
ordo di Polis mester wordo respeta

Monday, 05 December 2016 21:27
Comparti

Un hecho cu a tuma luga na Club 297 entre propietarionan / bishitantenan cu Polis ta e topico di
combersacion e ultimo 48 oranan.
Mas ainda mirando cu tin un descrepancia entre loke cada banda ta conta di loke a pasa e madruga en
cuestion.
Den combersacion cu Minister di Husticia Arthur Dowers, el a bisa cu diadomingo mainta el a wordo
poni na altura di loke a pasa na Club 297. “Mi ta kere cu ta importante pa pone algun di e hechonan riba
mesa. Hecho ta keda u e luga tin permiso te cu 3’or. Polis a yega y a constata cu pa 4’or e establecimento
ta habri ainda. Polis ta pidi nan pa cera eluga. Despues di esey, mi por a compronde cu a surgi un
confrontacion entre esnan presente y miembronan di Cuerpo Policial.” E mandatario ta bisa cu Polisnan
tin hopi cos di haci, y no ta bay drenta un luga pa busca confrontacion cu e trahadonan ni e doñonan. E
hecho cu cos a bay for di man ta pasobra nan a nenga di sigui ordo di autoridad. Ora cu a bay pa detene
un di e hendenan, diferente persona a bay mete den e trabou di Polis.
Minister Dowers ta kere cu aunke cu e videonan ta mustra tur cos, pa mustra cu Polis a faya, toch por
mira cu tabatin diferente persona metiendo den trabou di Polis. El a splica cu na momento cu ora Polis ta
bay pa haci un detencion, niun hende por stroba Polis di haci esaki. Nada di esey no por haci. Si polis pidi
pa cumpli cu ley, mester haci esey. Si bo no ta di acuerdo, por haci un protesta despues. Na e momento ey
no por bay bringa cu Polis y agredi e funcionario. E ta kere cu ta na su luga pa e compania recapacita riba
nan comportacion y e ta spera un disculpa pa Cuerpo Policial y esnan afecta cu esaki. Pa di e forma aki
bini un relacion nobo. Manera cos ta bay awor, a keda demostra cu e hendenan aki no ta respeta ley y
esey no por wordo tolera. “Si Polis pidibo pa cera un negoshi, e no ta un peticion irasonabel
principalmente si tene cuenta cu a pasa e orario reglamentario di cierre.”
Minister Dowers a bisa cu e informacion cu e ta dispone ta cu no solamente e luga aki pero diferente otro
mas den bisindario di hotelnan a yega di wordo cera. Na varios ocasion a pidi e doñonan pa mantene nan
mes na reglanan, e orario den permiso. Na varios ocasion Polis a yega varios luga, pero na ningun asina
tanto hende a lanta cu Polis y a agredi Polis. E ta spera cu e incidente aki no ripiti su mes. “Bo no por haci
cosnan cu ta prohibi pa ley di Aruba. Y no por bini confrontacion ora cu kier mantene ley,” e mandatario
a bisa.
El a splica cu ta trahando riba un ley pa actua hopi mas severo contra esnan cu ta viola e reglanan aki,
principalmente esnan cu ta haci un custumber di viola nan horario. Entre otro nan permiso por wordo
hala aden pa 3 of 6 luna. E sla aki lo ta hopi duro pa un compania cu nan lo pensa dos bes prome cu viola
e ley.