Page 69 - KPA_Neat
P. 69
18 AWEMainta Dialuna, 8 Mei 2017
N’e 1 Mei Open Dag na Mariniers Kazerne Savaneta
Tabatin como 34 mil bishitante
SIMAN pasa dialuna, 1 mei 2017 tabatin e Open Dag tradicional
na Mariniers Kazerne Savaneta, p’e comunidad di Aruba, unda ho-
ben y grandinan tabata bon-bini, cu tur aña ta bolbe pa presencia e
evento spectacular.
Meta di e Open Dag ta pa pueblo Arubiano haya un bista mas di
serca di e tarea di e.o. AruMil, Cuerpo di Bombero di Aruba, Cu-
erpo di Douane Aruba, Cuerpo di Polis, di Guardacosta di Caribe
Hulandes, Cruz Cora di Aruba y di Marina Real.
E aña aki, Mariniers Kazerne a haya mas o menos 34.000 bishitante.
Banda di e Open Dag tabatin un accion di fundraising. Manera e
añanan anterior e recaudacion di e Open Dag ta pa dos fundacion.
E aña aki esnan cu a bin na remarca pa haya e recaudacion aki ta
Stichting Kinderhuis Imeldahof y Fundacion Siñami Paso Pa Paso.
Mariniers Kazerne Savaneta un biaha mas kier a gradici tur nan
partner pa garantisa seguridad na Aruba. Sin nan sosten, esaki no
tabata posibel.
Tambe Mariniers Kazerne Savaneta a gradici tur sponor, pa nan
donacionnan y p’e premionan cu nan a pone disponibel. E recau-
dacion di e rifa tambe ta bay p’e dos fundacionnan ya menciona.
