Page 7 - KPA_Neat

CHAUFFEUR A SALI DESPUES CU AUTO A

BOLTER, ARIBA SASAKI

May 6, 2017 adminarubanative Uncategorized Leave a comment

Sasaki – Diabierna anochi polis ta bay ariba Sasaki pa un accidente serio,
caminda un auto a bolter.
Na yegada di patruya nan ta constata berdad un auto gebolter y cu a chauffeur
mes a logra sali.

Segun informacion na e sitio e auto Mitsubishi lo tawata bayendo nort, cu
velocidad basta halto. Dado momento e lo a bay maniobra, pa aparentemente un
vehiculo y esaki a causa cu ela perde control y bolter banda drechi di caminda.
E chauffeur tawata na tino y na yegada di ambulance nan a transporte pa
hospitaal.

MAS CU 18 CABES DI CARPACHI HORTA

FOR DI SANTANA DI GOBIERNO NA

ZEEWIJK

May 6, 2017 adminarubanative Uncategorized Leave a comment

Zeewijk,- Recientemente cuidador di Santana di Gobierno na Zeewijk ta habri
porta di Santana y pa di dos biaha ta topa cu un kelder kibra y e carpachi benta
abou faltando cabes. E siman aki y siman pasa tambe ela pasa. Mesora nan a
avisa polis y familiarnan di e defuntonan, polis a presenta y a tuma datos. Un di
e carpachinan tabata di un homber y e otro di un muher, un tabata dera na aña
2004 y e otro na 2005, nan tabata den dos kelder banda di otro. Un familiar di
un di e defuntonan na momento cu ela mira enberdad cu e carpachi di su mama
falta cabes, esaki a haci asina hopi dolor, cu ela bira malo den santana.

Segun e cuidador di Santana, tres aña y mey pasa ela tuma encargo di e
proyecto aki, pa haci e santana di Zeewijk limpi, dreche y mantene e santana,
cual tabata un di santananan mas sushi y hopi bandona. Nan a cuminsa ta avisa
tur famia di e defuntonan dera den santana pa bin drecha e grafnan y keldernan
cu tabata kibra. Actualmente e santana ta limpi y bon manteni. Mientras cu e
cuidador di santana y su grupo tabata haciendo e santana limpi, nan a topa cu
varios artefactonan straño cu por ta procedente di actonan di bruheria den e
santana aki.