Page 7 - ARUBA BANK

WEB, Utilities, RDA pa nombra algun. Nos falta pa haya ainda e parti di Lotto y
algun compania mas. Garantisa 6.5 MIYON florin!

Bida di luho cu regalonan caro
Parlamentario Endy Croes a bisa claro por a tuma nota con Patrick, Speed y nan
famia tabata biba un bida di luho te hasta tabata biaha den Jet priva. Algo cu
masha poco hende na Aruba lo por haci. Casanan tabata haya regalonan caro
tur luna manera tasnan di marca Prado, Gucci, Louis Vuitton. Desde cu
Gobierno nobo a drenta mester a stop e malgastamento di placa cuminsando na
corta contractnan luhoso di entre otro Patrick Paskel su companianan. Pueblo
por compronde awor ta cuanto casnan sin awa of coriente por a wordo yuda cu
e suma di 6.5 MIYON cu companianan di Patrick Paskel a strica di pueblo?
Cuanto homber chikito den problema por a cobra un onderstand di e placa aki?
Companianan aki tabata cobra sumanan di entre otro Afl.125.000 pa luna, Afl.
85.000 pa luna, Afl. 45.000 pa luna y asina nos tin den nos poder henter un
lista monstruoso cual ta surpasa 4 MIYON cu nan a cobra di pais Aruba cerca e
Ministernan so y mas di 2.5 MIYON den Companianan estatal. Ora bo mira con
cierto hendenan a “chupa” rond di Ministernan pa ranca placa di e pueblo aki bo
ta keda babuca. Ex Minister President Mike Eman tabata firma tur cos pa nan,
anto cu wowo cera. Tur hende tin derecho di biba y traha pa na cen pero e
grupo aki a abusa di e pueblo di Aruba. Ta amigonan fiel di Mike Eman y mester
a tratanan cu handschoen di felpa e tempo aya. Mike Eman ta sali declara
despues cu e ta orguyoso di e debe y pueblo lo mester paga esaki pa amigonan
manera Patrick Paskel djodjo.

Biba riba lomba di pueblo
Parlamentario Endy Croes lo manda pregunta oficial e siman aki na SIAD cu
pruebanan di pagonan haci na mayoria companianan di Patrick Paskel y Speed
pa asina pone su mes na altura si “lo minimo” e companianan aki a paga BBO
riba tur e sumanan grandi cu nan a cobra di pais Aruba for di gobierno y
companianan estatal. Gobierno tin derecho riba su fair share y lo ta bon pa
pueblo por sa esaki. Tipo di mentalidadnan asina cu kier biba solamente riba
lomba di pueblo criticando y lastrando tur hende pa purba yega bek na poder
mester caba. Aruba ta di tur y ta tur mester tin e mesun derecho di come di
cualkier pida bolo cu pais por brinda. Pueblo keda pendiente pasobra nos lo
publica tambe contesta cu nos lo ricibi di SIAD alrespecto, Parlamentario Croes
ta termina splicando.

https://masnoticia.com/endy-croes-e-siman-aki-lo-haci-pregunta-oficial-na-siad-si-por-lo-menos-nan-a-
paga-bbo-riba-e-suma-aki/