Page 59 - AHATA_Neat

directo pa indirecto. E ta algo cu gobierno pero tambe comercio ta anhela di
pasa, dunando asina espacio pa e individuo y tambe comercio por inverti mas
den nos economia.

Sr. Van Trigt ta sigui bisa cu ainda ATIA no tin plannan concreto con esaki lo

bay mustra. Si nan tin planea pa un reunion di orientacion, hunto cu e minister
pa wak kico exactamente ta bay pasa. E ta trece un poco incertidumbre, ya cu

tur hende ta pendiente. ATIA y comercio ta sali for di e punto di bista, cu ta bay
haci e reforma aki na 2020, pero señalnan ta duna indicio cu den 2019, algo lo

pasa. A pesar di cu e reforma fiscal tin un caminda largo pa cana.

Si ta berdad cu na e momentonan aki, ATIA a expresa su posicion oficial na

gobierno y na instancianan cu tin di haber cu esaki pa tene cuenta cu locual
ATIA ta pidi pa un reforma fiscal completo.

Ora ta papia di e mundo comercial, ta wak cu p.e. tin algun shift ta tumando

luga y ta depende di e sector di comercio cu bo ta aden tambe, segun Sr. van
Trigt. Esunnan cu tin mas visibilidad cu ta lucha, ta retail, segun Sr. Van Trigt,

cu ta negoshinan den caya. Esaki tin di haber cu cierto trendsnan cu ta tumando
luga na mundo. Hendenan a cuminsa order mas online.Tin cu bay cu tempo
tambe pa wak con esaki ta bay resulta den cierto negoshinan, cu claramente ta

sufriendo. Si den cierto ramonan e economia ta fuerte, specialmente riba e
principal pilar economico cu ta turismo. Ta keda draai miho, cu hotelnan mas

grandi na Aruba, tin un bon ocupancy rate y esey tin su efecto positivo den
economia.

Ora ta trata di turismo y negoshi alrededor di turismo, cu ta hopi, e.o.

restaurant, etc., Aruba toch tin un economia cu ta wantando. Loke mester zorg
pe aworaki ta pa diversifica esaki. Señora Minister a bin cu’n plan di 6 pilar pa
diversifica nos economia, un plan cu mester wordo yena ainda. Pero tin un plan

ariba mesa con esaki ta bay tuma luga, kico e financia y gobierno su vision ta
con ta bay diversifica y crea mas cuponan di trabao. Te asina leu, e relato di Sr.

Ronald van Trigt, presidente di ATIA.