Page 46 - MIN.ECUE

FMSA y RDA cu donacion di mas cu 143 mil florin na Rode Kruis

12 December, 2016
0

“Mi no conoce ningun otro compania local cu ta haci un donacion asina grandi,

tur aña, pa di 10 biaha consecutivo. Mi ta sinti masha orguyoso, den nomber di
tur empleado di FMSA y RDA, pa entrega e donacion grandi aki awe nochi”,

asina Alvin Koolman, director di Refineria di Aruba (RDA) cu na mes momento
ta doño di Fuels Marketing & Supply Aruba (FMSA), a anuncia diahuebs anochi

den Carnival Village na momento di entrega e check simbolico na Rode Kruis
Aruba.
Cumpliendo cu nan responsabilidad como un bon ciudadano corporativo, e

compania estatal nobo Fuels Marketing & Supply Aruba (FMSA), a celebra e
hecho cu gasolin, diesel y jetfuel ta den nos mesun man, pero tambe ta duna

bek na comunidad, den forma di un donacion cuantioso na un organisacion.
FMSA ta contento di por sostene Cruz Cora Aruba, conoci pa tur nan esfuerso pa

sirbi nos comunidad, na momento cu mas nos mester di nan. E organisacion
anualmente ta conta cu un donacion considerabel cu clientenan ta aporta di

cada liter di combustibel cu nan yena den nan auto. Tambe e ta bini como parti
di donacion cu e compania mes ta haci na e organisacion. Cruz Cora Aruba a
progresa hopi y awendia ta un di esunnan miho prepara, tanto na

boluntarionan, ekiponan y conocemento, den henter e region aki.