Page 36 - ARUBA BANK 29 MAY 2017

Diferente situacionnan fastioso sa pone cu cosnan ta bay
robez cu lening di banco

Sunday, 28 May 2017 13:54
Comparti

Pierre Rafini durante un combersacion riba lening di banco, a sigui splica cu sa pasa cu hendenan ta keda sin paga
nan lening. Un di e motibonan menciona,si wak’e den un perspectiva personal, hende sa perde trabao, cual por pasa.
Of ta wordo pidi pa traha menos ora, cu ta afecta e entrada directo, unda cu nan no por paga ora cu nan ta suppose di
paga tur luna.

Of tin biaha tin divorcio of hendenan cu ta drenta den un prestamo hunto y a separa y un di nan no ta responsabilisa
su mes pa e otro y cu consecuencia no kier paga e lening riba su mes, e ora banco ta bay over pa kita e prestamo.

Den negoshi ta mesun cos. Tin ora e shareholdernan ta pleita cu otro. Tin ora mal maneho tambe ta haci cu nan no a
wak nan cashflow bon y ta yega asina leu cu nan no por paga banco mas. Tambe tin hende cu ta gana un florin pero
nan ta gasta 10. Hopi biaha e parti di educacion financiero tampoco no tey.

Y hopi biaha como bankero, ora bo kier duna e conseho, nan no ta wordo tuma tampoco den consideracion.

Tin diferente factor cu tin ora ta haci cu clientenan, tanto priva como tambe comercial ta cay den dificultadnan of
situacionnan financiero, cu ta haci cu nan ta core risico di perde nan propiedadnan.

Banco ta purba hunga un rol hopi activo den esey, door di monitor e situacion, vooral den e parti comercial, e ta hopi
mas facil pa banconan controla esey, pasobra tur aña clientenan comercial ta entrega nan cifranan na banco.

Banco ta evalua nan situacion financiero y por hunga un rol mas activo y hopi mas na tempo pa yuda cu e situacion
financiero di e negoshi, ta empeora, door di refinancia, of door di purba papia cu nan, pa minimalisa nan gastonan
etc.

Den e parti priva ta dificil pasobra hopi biaha e cliente ta warda te na ultimo momento pa bin informa banco cu e no
por paga mas. Ta cuminsa mira e tendencia cu e pagonan ta cuminsa drenta mas laat, of nan ta cuminsa skip un
luna. Asina 30 dia ta bira 45, despues ta bira 60, y despues ora cu bin find out, ta mucho laat, pasobra ya por ta e
persona tin algun luna sin trabao of ya caba tabata tin separacion den un pareha y hopi biaha nan ta keda te na
ultimo pensando cu nan por scapa e cas y nan no ta informa banco.

Sinembargo informa e banco na tempo. E banco semper tin e willingness pa traha cu e clientenan. Bayendo vindishi
hopi biaha ta un proceso largo. E ta un proceso costoso. Ningun partido no ta sali gana di vindishi, ni e banco, ni e
cliente. Vooral si ta caminda cu e banco a tuma full e riesgo door di a duna financiamento 100%. Pesey riba e parti
priva, ta prefera di duna 80 porciento financiamento y 20 porciento ta bin den forma di cash, cu nan mes ta pone
den transaccion y 20 porciento ta bin for di fondo nacional di garantia, vooral den compra di cas. E fondo nacional di
garantia ta pone pa 20%. Pero si ta den mundo comercial, e ora cada banco ta keda mantene nan mesun reglanan,
caminda cu tin banconan ta pidi 25, of 30 of 35 porciento di e financiamento total, kier pa e cliente cubri y ta
participa activamente den e riesgo. Ya cu si despues cos a bay malo, nan no ta tira e serbete den ring di biaha. Door
cu nan tambe tin di perde. Si banconan ta financia 100 porciento, e cliente tin e pensamento hopi mas lihe pa