Page 12 - FDLP

Diahuebs, 27 September 2018 AWEMainta Deporte 29

Balashi Premuim a rally den cabez di 5 inning pa kibra

empate y seya un victoria riba Macuarima Indians

CAMPEONATO Heineken Fast Pitch di Aruba
Softball Bond a continua riba veldnan na Pos Chiquito.

Den categoria AA Balashi Premuim a enfrenta Macu-

arima Indians den e ultimo wega valido pa campeonato
AA preparando pa Play Off.

E wega riba su mes no tabata significante p’e tabla di
posicion, ya cu esey tabata defini caba y e resultado no

lo haci diferencia.

Royal Power, 2. Balashi Premuim, 3. Macuarima Indi-
ans y 4. Spuiters. Macuarima Indians sinembargo no

kier a baha cabez y ta rally perdiendo 5-1 pa empata e
wega 5-5 den bom di 3 inning.

Manager di Balashi Premuim Ricky Henriquez a usa 3
pitcher pa saca finalmente un victoria acompaña cu un

rally di 3 careda den cabez di 5 inning. Balashi Pre-

muim 8 careda, 6 hit, 0 error y ta laga 7 coredor den
circulacion.

Macuarima Indians 5 careda, 8 hit, 3 error y ta laga 8

coredor na base. Mihor bateadornan pa Balashi Pre-
muim ta Jason Orman 1-1 cu 3 rbi, Ayrton Falcon di

2-2 y Gianmar Alders di 1-1.

Pa Macuarima Indians a destaca na plato Javier Croes

3-2, Carlos Croes 2-2 y Jean Pierre Geerman di 2-1.
Gian Carlo Gomez ta releva 2 inning tirando 13 bola,

23 strike pa un total di 36 lansamento permitiendo 4
hit, 1 careda limpi, 1 base por bola y 1 strike out pa

pone e victoria riba su nomber. Andresito Maduro a

drenta releva Jorge Santana kende a habri e wega y a
lansa 9 lansamento pa saca Balashi for di un jam.

Ray Bernabela ta start pa Macuarima y ta tira 2 in-
ning y 2 tercio permitiendo 5 careda di cual ningun ta

careda limpi y a wordo releva pa Carlos Croes, kende

tira 2 inning y 1 tercio, 9 bola, 25 strike pa un total di
34 pitcheo permintiendo 2 careda limpi 1 ponche y 1

base por bola conformando su mes cu e derota riba su
nomber.

Weganan ta continua awe diahuebs pa 7.15pm na Pos

Chiquito Play Off di Aklas, mientras pa 9pm e prome
wega di play off AA unda Royal Power lo midi forsa

contra Balashi Premuim den nan best out of 3. Fanati- cada yega tereno bin apoya bo equipo preferi.