Page 36 - MIN ON

Minister Arthur Dowers: Accion lo sigui Diaranzon mainta
riba scolnan bandona cu adicto ambulantenan den dje

Tuesday, 29 November 2016 22:04
Comparti

Segun minister di husticia, Arthur Dowrs, tabata tin un reunion cu diferente departamento. E
tabata den un accion algun dia pasa y esaki ta sigui.

El a splica cu a tuma accion na Colegio Frere Bonifacius caminda cu a saca diferente adicto. Tin
di nan a bay haya tratamento. Diaranzon mainta nan lo ta na otro scol caminda cu a wordo
invadi di adicto y tambe lo haci un evaluacion riba e diferente adictonan cu ta moviendo den
caya.

A busca un lista di e adictonan y lo ta moviendo cu un grupo basta grandi multidisciplinario,
caminda cu lo atende cu e personanan aki, ofrece nan cuido, pero no ta bay keda acepta cu
nan ta keda haci loke nan ta haciendo, causando daño na comunidad. Si kier ta liber den
comunidad, e ora nan tin cu comporta. Si bay haci cosnan contra ley, e ora husticia lo atende
cu e adicto y keda molestia te ora cu e tuma un tratamento.

Esaki ta bay man den man cu limpiesa. A drenta e scolnan cu e adictonan a bay y lo percura pa
haci e luga limpi y cera e scolnan bek, pa asina proteha propiedad di Gobierno of propiedad di
fundacionnan y tambe lo bay den diferente otro partinan caminda cu ta mira e sushedadnan,
actua contra e adicto y tambe lo tin actuamento contra esnan cu ta acumula sushi y duna hopi
biaha na e adicto cu ta tira y susha parti di e comunidad aki.

Awor aki ta trata di scolnan bandona. Den e caso aki ta trata dos scol, caminda cu tin keho. A
constata cu tin adicto cu a kibra y tin adicto cu ta bisa cu ora sacanan for di un scol, nan ta
drenta otro scol. Awor ta bay mustra nan cu nan no ta dicidi unda nan ta bay, scolnan no ta di
nan, dus nan no por ta den e scol ey.

E yudansa ta bay wordo duna mesora. Esey ta parti di e salida. E adicto mester scoge
naturalmente. Si e no kier hacie, no por forsanan. Tin algun di nan lo tuma medida legal, pa
asina haya nan mes forsa pa tuma e tratamento, en todo caso e prome simannan.