Page 30 - HOH

E prome destaho publico a conoce dos compania local, cu al momento ta wordo
evalua. Gobierno ta contento di e confianza di nos propio companianan. E di
tres, ta loke ta trata e incinerator grandi, diahuebs ultimo a keda sin resultado.
Tabata tin 16 participante na e ‘bidwalk’, dus a bin Aruba, a cana e caminda y a
haci e preguntanan necesario pa por a entrega un oferta ariba e bestek cu
gobierno a pone. Esaki no a resulta den un grupo fo compania cu a mustra
interes door di entrega un oferta. Por a sinti esaki ta bin, mirando cu tabata tin
basta di e gruponan cu tabata pidi mas tempo, mirando cue t a un proyecto
compleho y di un magnitud hopi grandi. No ta tur dia ta bende e planta y sigur
no den e region unda nos ta situa.

P’esey diabierna e ekipo tecnico di RFP pa e incinerator, es decir pa e planta di
SWTF. A tu,a e decision, mirando e interes y no a haci esaki anteriormente, pa
tin e transparencia y honestidad. P’esey a prefera pa diahuebs su deadline a
yega, a termina e parti ey y awo ta drenta un fase nobo, unda cu diabierna
ultimo a dirigi un carta pa tur e 16 companianan aki, tur a ricibi un bidwalk
unda cu gobienro ta duna te cu 31 di juli pa wak si nan tin interes ainda pa
oferta, dunando un periodo adicional den cual nan por duna nan oferta. E carta
pa esaki a sali diabierna y tin te cu 31 di juli pa wak si tin interes pa e
proyecto.

Tin partidonan cu keir pa e proyecto aki fracasa, unda ta menciona cu gobierno
mester inverti 300 miyon dollar. Pero esaki no ta corecto, ya cu no ta placa cu
gobierno ta bay inverti.

Oposicion ta papia di proyectonan PPP y ta lamenta cu den e proceso aki ta
purba di desinforma comunidad, cu e proposito pa algo asina importante
fracasa. Ta mira tur dia cu tin cu busca un solucion pa e situacion sumamente
deplorabel cu tiin actualmente. E mandatario a splica cu e ta un proyecto BOO,
cual ta hinca den e documenteonan. Esey ta nada otro loke a tuma luga na e
molinanan di Vaderpiet, unda e doño a construi, a construi , opera y bende su
producto. Nada di cu gobierno lo tin cu haci un PPP project.

Ta spera cu e proceso cu ta bay cana e siguiente buelta cu den pasado a pasa e
proceso di RFI y a base di loke propio experto e tempo ey, 22 compania cu a
pasa e proceso, incluso companianan local a mustra ariba e hecho cu esaki ta e
caminda cu Aruba mester encamina. No tin tereno suficiente pa sigui dera
sushi.