Page 41 - Djamars 27 november 2018.pdf

Djamars 27 Novèmber 2018 41
Parlamentario Curtley Obispo ke sa dikon

Kambionan proponé den Areglo di Estado no ta kana pareu ku kambionan Lei Elektoral
WILLEMSTAD.- Parlamento di Kòrsou dia 14 novèmber 2018 den un komishon sentral a trata un inisiativa di proyekto
di lei pa kambia artíkulo 6
i 43 di Areglo di Estado di
Kòrsou. Durante e reunion
aki, parlamentario Curtley
Obispo a para ketu na vários
punto importante ku mester
hasi preguntanan di rigor.
Un di nan ta: dikon no a
tene kuenta ku loke artíkulo
48 di Areglo di Estado di
Kòrsou ta indiká?.Ta indiká
ku: “ta regla tur asuntu,
ku ta konserní derecho di
voto i elekshon, mediante
ordenansa nashonal”.
A base di esaki,
parlamentario Curtley
Obispo tabata tin e siguiente
4 preguntanan: (1) unda e
proyekto di kambio di lei a
keda di e Lei Elektoral? Pa
asina trata tur 2 proyekto
di lei simultáneamente, (2)
den e Lei Elektoral aktual
e palabra “ingezetene”
ta wòrdu menshoná den
artíkulo 1, artíkulo 3,
artíkulo 18, artíkulo 40,
artíkulo 110 i e memoria di
aklarashon riba artíkulo 3.
E definishon di “ingezetene”
den e Lei Elektoral aktual
no ta “sluit aan”/no ta
sinkronisá ku e konsepto
di proyekto di kambio di
lei presentá. Pregunta
ta unda e konsepto di
proyekto di kambio di Lei
Elektoral a keda pa hasi e
adaptashonnan nesesario?,
(3) den e lei Elektoral aktual
e palabra “kiesgerechtigde”
ta menshoná den artíkulo
3, artíkulo 18, artíkulo 23,
artíkulo 40, artíkulo 45
i puntonan di salida di e
memoria di aklarashon riba
artíkulo 3. E definishon
di “kiesgerechtigde”
segun e Lei Elektoral
no ta “sluit aan”/no ta
sinkronisá ku e konsepto
di proyekto di kambio di
lei presentá. Pregunta
ta segun parlamentario
Obispo, unda e konsepto di
proyekto di kambio di Lei
Elektoral a keda pa hasi e
adaptashonnan nesesario? i
(4) Tin un konseho di e rèfri
elektoral, pues Konseho
Supremo Elektoral pa
loke ta trata e proyekto di
kambio di lei kual a wòrdu
presentá? Petishon ta pa por
risibié konseho aki.