Page 37 - DESPA DEC 14

Minister Mike de Meza: Gobierno ta garantisa cu ningun
trahado di Serlimar lo perde nan trabao riba dump

Tuesday, 13 December 2016 20:56
Comparti

Minister Mike de Meza ta minister di medio ambiente y ta responsabel tambe pa dump y a reuni cu STA.
Poco dia pasa e tabata tin un reunion durante di e welga di e trahadonan di Serlimar.

El a topa cu SEPPA y hasta tin cierto cosnan cu a wordo poni riba papel.

El a conta cu siman pasa a sinta cu gerencia di Serlimar hunto cu shopstewards y hunto cu SEPPA. A
papia cu nan tocante diferente plan cu ta bezig cun’e pa e landfill na Parkietenbos. Despues nan a sinta
cu STA y tambe cu shopstewardnan di STA y papia riba e mesun topico cu ta e landfill di Parkietenbos.
Gobierno ta bezig cu un plan cu tin diferente opcion den dje pa yega na baha e actividadnan di landfill cu
tin na Parkietenbos, pa diferente rason.

Un di e rasonnan ta cu e cantidad di desperdicio cu tin na e landfill ta sumamente grandi y e landfill ta
totalmente yen y tin cu baha e actividadnan te cu stop den futuro di haci uzo di Parkietenbos landfill.
Awo tin cu bay sanea e landfill di Parkietenbos. Esta bay drecha e situacion eynan, kita hopi desperdicio
cu ta cerca di awa cu e mangrovenan. Egalisa loke tin eynan. Ta bay tin un proyecto total con pa deactiva
e landfill cu tin eynan y cuminsa e proceso e ora total di saneamento di e landfill na Parkietenbos, box
esaki in, trat’e riba un manera responsabel y tap’e full. E ora ey keda monitorea y keda traha riba dje pa
deactiv’e completamente. E ora ey tap’e full tambe y haci e area ey uno na fin di dia bunita, begrens’e
duidelijk, pa no tin e actividadnan mas riba e tereno y tambe preveni cu den futuro por tin autoignition,
esta kimamento cu ta cuminsa automaticamente door di dje mes. Por tin candela pasobra tin hopi
formacion di gas.

E landfill cu tin eynan, no ta un landfill di algun aña. Tin ta conta cu e ta mas cu 30 aña, tin ta bisa cu ta
60 y tin ta bisa cu ta mas cu 80. Tin un cantidad di desperdicio cu tin cu bay controla e formacion di gas
cu ta bin, e hotspotnan cu tin den e cero tambe y e autoignition, tin hopi material cu ta imcompatibel cu
otro eynan cu ta causa e situacionnan incorecto, cual ta pa añanan largo. E landfill cu tin na Aruba cu tur
e problemanan, no ta un problema cu na Aruba so ta existi. Tin scenarionan similar, por ehempel na
Corsou, na St. Maarten, na Venezuela, na Colombia, na Surinam, hasta na Merca y Europa, caminda tin
landfillnan tambe y tur ta buscando solucionnan con pa drecha e situacion y despues con pa haci’e
inactivo, con pa sanea un landfill. Tin tecnologianan nobo cu ta wordo aplica, toch na diferente parti
rond mundo.