Page 20 - MIN ECEM 15 MARCH, 2017

Bario di Simeon Antonio y parkietenbos

kier trucknan uza rotonde nobo

Posted on 03/15/2017 10:05 am AST | Updated on 03/15/2017 10:06 am AST

ORANJESTAD - Habitantenan di Simeon Antonio y Parkietenbos durante e ultimo
lunanan a soporta masha hopi molester di e trucknan cu mester a uza e ruta den e bario pa
cumpli cu nan trabao. Asina nan ta informa pa medio di un comunicado. Segun e
comunicado, e habitantenan di e bario a compronde y a soporta. Pero awor cu e rotonde
nobo a habri y e ruta nobo pa yega Barcadera y Dump a bira mas facil y atractivo pa e
pueblo ta pidi awor cumpli cu e pueblo y debolbe bek e trankilidad pa e baro y uza e
rotonde y ruta nobo. Ayera mainta varios incidente a sosode tanto cu chofernan di
autonan di famia y tambe cu peatonnan cu ta haya nan mes ta sali na careda cruza y
otronan cu ta ser sera riba caminda pa e trucknan. E situacion aki no por sigui y ayera
varios habitante a expresa nan disgusto cu e situacion y a laga si di lo bay pidi DOW pa
laga pone "Verkeersdrempel of Polis drumi". Un apelacion ta bay na tur e companianan
di carga y di tur otro utilidad pa comunica cu nan chofernan pa bisa nan nan pa haci uso
di e ruta nobo via e rotonde na Seru Teishie cual ta mas mihor pa nan vehiculo y pa nos
bario nos por biba bek cu mas seguridad y trankilidad.

http://noticiacla.com/news/9017