Page 11 - ATA_Neat
P. 11
Dialuna, 1 juli 2019 AWEMainta 23
Aruba Excellence Foundation ta haci entrega di
plakaat di reconocimento ‘Aruba Certified’
ARUBA Excellence Foundation (A.E.F.) tabatin
e honor pa organisa su di tres edicion di entrega di
plakaat di reconocimento na 7 organisacion cu ta 100%
‘Aruba Certified’.
Gerente di cada organisacion a percura pa pone como
prioridad cu cada empleado por asisti exitosamente n’e
curso di ‘Aruba Certification Program’ p’asina logra e
meta cu henter e resort of compania ta certifica.
Directora di A.E.F., sra. Esther Broeksema a hiba pa-
labra di felicitacion na un y tur, y tambe a anima e
asociadonan pa nan sigui brinda servicio cu ‘Zjeito’ tur
dia na e bishitantenan cu ta hospeda den nan hotel.
Minister di Turismo, Salud Publico y Deporte, Dan-
guillaume Oduber a haci entrega na gerente general
di Caribbean Palm Village, sra. Astrid Muller y tambe
na Director di Food and Beverage na La Cabana, sr.
Pierre Kock, caminda cu a hiba palabra di elogio y pa-
bien n’e staff cu tabata presente, p’asina nan por con-
tinua cu e bon trabou.
Otro organisacionnan cu tambe a ricibi nan plakaat
di reconocimento ta Action Tours y Kinikini Tours,
Cosecha, First Class Experience y Tradewinds. Tur
e companianan menciona tabatin como meta pa nan
empleadonan por comparti informacion corecto y con-
ciso cu nos bishitantenan, manteniendo e servicio ex-
celente riba un nivel halto y cu Zjeito!
Aruba Excellence Foundation a wordo institui dor di
Aruba Tourism Authority na juni 2018 y t’e fundacion
encarga pa e.o. ehecuta e programa di certificacion
A.C.P.
Meta principal di e fundacion ta pa sigi desaroya y
implementa A.C.P. como tambe otro programanan
specialmente diseña pa personanan cu ta traha den
sector di servicio y hospitalidad p’asina percura cu e
nivel di servicio excelente di Aruba ya bon conoci, por
keda riba un nivel halto.
