Page 26 - ARUBA BANK

PLACA DI PAPEL NOBO A SUBI

CAYA AWE

4 June, 2019, 7:05 pm

Awe diamars ta un dia historico pa hopi hende. Specialmente esunnan prome pa tene e

placa nobo di papel den nan man. Florin cu diseño nobo cu mayoria a ricibi awe cu

masha alegria pasobra nan ta colorido y cu un bunita diseño den cual ta inclui parhanan y

otro bestianan local.

Te ainda no ta tur banco tin nan disponibel den nan mashinnan di ATM debi cu mester
caba di calibra e mashinnan prome. Pa awor, e mashinnan lo saca papel nobo so, pero lo

por ricibi tanto e diseño bieu como e nobo pa tres luna mas. Esey ta trece algun reto
tecnico cu varios instituto financiero lo mester caba di regla internamente.

Caheronan si tabatin e placa nobo awe pa cambia asina cu e clientenan mester a “saca

cen” for di banco. E cara di e clientenan, den mayoria caso, tabata di alegria y

satisfaccion. Otronan a bisa nos cu e ta trece hasta orguyo, pasobra ta considera e Florin

di Aruba como un di esunnan di mas bunita na mundo!