Page 152 - KPA

Minister Mike de Meza ta pone Gerald Keteldijk bek na DTP
despues cu‎ Otmar Oduber a mande cas nuebe luna

Sunday, 04 December 2016 20:31
Comparti

Gerald Keteldijk tabata na cabez di e Departamento di Transporte Publico di Aruba. Seis aña largo el a
funciona eynan te cu Otmar Oduber na February

a mande cas y asina pone un di su cordinadornan pa hiba e maneho. Pa nuebe luna largo Gerald
Keteldijk a keda na cas cobrando sin traha. Despues di un reunion cu minister di transporte Mike de
Meza, diahuebs mes Gerald Keteldijk a presenta na DTP. Ora cu el a yega el a topa cu Tito Thiel cu a
wordo poni pa Otmar Oduber. Eynan Gerald Keteldijk a puntra Tito Thiel si el a wordo notifica por
escrito di e cambio y decision di gobierno of minister Mike de Meza. Eynan e contesta tabata positivo.
Mesora a bise cu e mester ruim op tur su cosnan y asina bandona oficina pasobra e mester di e lugar pa
asina sinta como e director. Mientrastanto Gerald Keteldijk a biaha pa Curacao pa e fin di siman cu a
pasa pa encuentro deportivo y dialuna e lo ta bek na trabou. No ta conoci unda Tito Thiel lo bay traha
awor. Aunke den e caso aki e ta un persona cu a traha como Polis pa hopi aña.