Page 38 - HOSPITAAL

Polis Mericano Cu A Duna CPR Na Jednnielys Pérez

– “Pa Placa Ningun Hende Mester Muri”

 Local
- 19/08/2018
Na momento cu Sean Whalen tabata riba su bicicleta na Malmok dia 15 di augustus
ultimo, hamas el a pensa di topa cu un escena horibel unda cu un mucha chikito su bida
tabata depende di dje como e prome persona cu a yega na e sitio. Awe e ta bisa “Pa placa
ningun hende mester muri.”

E ciudadano Mericano aki, kende tabata di vakantie cu su famia na Aruba a bira un heroe.
No solamente pasobra el a brinda e prome auxilio pero a paga e Air Ambulance pa hiba e
menor Puerto Rico.

Sean tabata coriendo bicicleta ora cu e accidente a tuma luga. El a core bay cerca e famia
y a puntra si tin herido. Ta parce cu e menor no tabatin faha di siguridad bisti y door di e
impacto el a wordo saca (poco peso) for di e vehiculo. Na e momento ey el a mira e
menos y a constata cu e tabata gravemente herida. El a cuminsa duna prome auxilio cu
resucitacion cardiopulmonar (CPR) durante 15 minuut largo, pero tabata nota cu e mucha
no ta reacciona. El a bolbe purba poniendo su man riba pecho di e mucha y a keda pomp
te ora cu el a sinti pulso. Esaki el a hacie cu un persona cu tabata na e sitio, y el a bisa cu
esaki tabata bay un poco “stroef” pa motibo di e barera di idioma. Tambe el a mara e pia
riba rudia pa evita cu e menor ta perde hopi sanger

Pero pa Sean, segun el a bisa, e parti mas dificil tabata ora cu el a tende di e problemanan
cu tin pa e mucha haya e ayudo cu mester, specialmente e traslado aereo pa Puerto Rico.

E no a duna y a ofrece pa paga e air ambulance, ya cu loke e compania tabata cobra
tabata solamente pago di e combustibel for di Santo Domingo pa Aruba y bolbe Puerto
Rico. Esaki tabata 15 mil dollar. “Pa placa niun hende mester muri,” tabata su
pensamento y el ofrece pa haci uzo di su credit card p’asina e ambulance por lanta vuelo
di inmediato rumbo pa Aruba.

E mes a bisa cu e no ta sinti su mes un heroe of pensa cu el a haci algo bon “sino te ora cu
e mucha habri su wowonan y e hiba un bida normal.”

https://awemainta.com/polis-mericano-cu-a-duna-cpr-na-jednnielys-perez-pa-

placa-ningun-hende-mester-muri/