Page 10 - CITGO

Glenbert Croes Na PDVSA CITGO TECHnip: E Era Di

Privilegio Na Companianan Liga Na AVP Manera

PMEC Y Otronan Lo Yega Na Su Fin

 Politica
- 22/05/2017

“Nos ta rechasa contundentemente e declaracionnan di Minister Richard Arends di AVP
unda el a bisa cu lo trece expertonan di afor, nos kier bisa Gabinete Mike Eman: Aki 4
luna tin eleccion y nos pueblo lo eligi un Gobierno nobo cu lo pone un fin n’e era di
previlegio na companianan liga na AVP manera PMEC y otronan.

N’e momentonan cu un delegacion grandi di Venezuela ta na caminda pa anuncia e
continuidad di e rehabilitacion di e refineria, e financiamento di e refineria, e gasducto y
awor e inversion den e planta di gas, nos kier notifica PDVSA CITGO cu den e Gobierno
nobo di MEP nan lo por conta cu nos apoyo pa un ehecucion exitoso di e rehabilitacion di
e refineria.

Nos ta convenci cu lo no tin e retrasonan indebido tumando lugar den periodo di e
Gobierno nobo pasobra companianan liga na AVP cu awor ta bringando pa nan tajada di
e bolo poniendo en riesgo e ehecucion exitoso di e proyecto y su inversionnan, e era di
previlegio ey lo yega na su fin.

Cu e Gobierno nobo di MEP, tur contratista local lo haya un oportunidad husto y nos ta
exigi esey di PDVSA CITGO y TECHNIP. Tur trahador local lo haya un oportunidad
husto y nos ta exigi esey di PDVSA CITGO y TECHNIP

Cu e gran noticianan cu lo wordo anuncia ta importante recorda y ta prohibi pa lubida con
AVP tabata “death set” pa desmantela e refineria di Aruba.Si no tabata pa MEP y nos
pueblo cu a bay Accion Ora Cero pa manda Valero y AVP e mensahe cu nos pueblo bao
niun circumstancia lo permiti nan desmantela e refineria, awe e realidad pa nos pueblo
referente e refineria lo tabata tristo. Pero nos pueblo y MEP su lucha pa salba e refineria a