Page 16 - CITGO

Gobierno actualmente ta ricibiendo placa for e proyecto cu pa awor ta yuda tapa e buraco
di debe. Sinembargo tin awor preocupacion grandi, pasobra a sali informacion di Banco
Central cu tin un atraso grandi den e proyecto y esaki por tin consecuencianan dramatico
pa finanza publico y e economia en general.

Minister di Economia, Richard Arends a sali desmenti posiblemente riba ordo di Mike
Eman pero Parlamentario mr. Juan E. Thijsen ta duna mas peso na Banco Central cu ta un
instancia constitucional manera Raad van Advies y Algemene Rekenkamer.

Parlamentario mr. Juan E. Thijsen ta kere cu Gobierno no mester gaña pueblo y mester ta
mas transparente. Pero e Gobierno aki no conoce transparencia, e ta un modus operandus
di e Gobierno aki pa haci y tapa actonan corumptivo.Den caso di refineria segun e
Parlamentario tin dos aspecto. Uno Gobierno ta exigi cu ta solamente compania afilia na
AVP ta haya trabao den refineria y pio e ta un secreto publico cu un compania di un
Minister envolvi tambe ta activo den e refineria.Lo tabata mas etico si e Minister a retira
y bay full time den e refineria.E otro aspecto cu ta curumptivo t’e asunto di personal.
Gobierno ta controla y vigila ken si y ken no por drenta e refineria unda politica ta hunga
un rol.Tambe a crea e posibilidad pa haci negoshi cu trahadornan di exterior pa cual
Ministro di Labor actualmente ta bao investigacion.Parlamentario mr. Juan E. Thijsen ta
lamenta tur e procedimiento di Gobierno di AVP y ta spera cu pronto partido MEP tuma
mando di e pais pa pone e proyecto di Citgo core mihor.E bon noticianan ta cu a para e
desmantelacion y cu Venezuela mester di nos refineria pa procesa nan petroleo crudo
pisa.Di eynan Aruba mester saca maximo probecho, pero na bienestar pa un y tur.
Parlamentario mr. Ady Thijsen y partido MEP ta cla p’e reto. Hunto p’e cambio sin
miedo.