Page 23 - ARUBA BANK

Sin Ainda Bin Cu Un Aanwijzing, Hulanda Ta Indica

Cu Aruba Tin Un Luna Pa Aumenta BBO, Bin Cu

Sugar Tax Y Manda Mas Cu 300 Ambtenaar Cas Cu

Otro Palabra Mester Aumenta Entrada Y Baha Gasto

 Politica
- 21/07/2019
Den un carta cu un tono di instruccion, serio y determina, Gobierno di Hulanda a informa
Prome Minister Evelyn Wever-Croes cu di awor padilanti ta escala e comunicacion cune
y no ta atende mas cu Minister Xiomara Ruiz-Maduro di Finansa, Asunto Economico y
Cultura.

Den e carta a duna Gobierno di Aruba un luna di tempo pa cumpli cu tur locual Gabinete
Wever-Croes mes a firma den e protocol na november 2018 relaciona cu presupuesto
2019. Si no cumpli lo tuma medidanan contra Aruba cu lo wordo determina den Conseho
di Minister di Reino Hulandes y lo por spera e mesun situacion cu Corsou, caminda cu
Hulanda den cierto forma ta pone e Minister di Finansa bou di curatela y ta tuma maneho
di e pais over.

Ta riba e portal di 24Ora.com, nos a tuma nota di e publicacion aki, ya cu e contenido di
e carta, cu ainda no ta publico, pero si ta instrui Gobierno di Aruba pa cumpli cu locual a
acorda, dor di bay bek Parlamento awor den reces ainda y cambia e presupuesto 2019 n’e
realidad di awendia. Den esey lo mester contene cumplimento cu entradanan di Gobierno
dor di p.e. aumenta BBO.

Na juli 2019 a manda yama Prome Minister pa participa den e reunion di Conseho di
Minister di Reino. El a sali afo masha contento y a bisa cu e reunion a bay den bon
ambiente y no a bin ni “Aanwijzing” ni “KB”. Si el a bisa cu Aruba mester cumpli cu
locual a acorda, sin menciona cu nos ta leu di por cumpli.

E bon relacion y confiansa cu Hulanda tin den Aruba, manera el a anuncia e dia ey, no ta
reflehando den e tono di carta cu el a haya siman pasa di Den Haag.

Pa logra tur locual Hulanda ta desea di mira pa remedia e situacion financiero di pais
Aruba, mester pensa pa aumenta BBO cu awor ta na 6%, introduci Sugar Tax den forma
urgente (pa logra cobra mas o menos 18 miyon florin) y mester baha gasto di personal,