Page 25 - awem

AWEMainta Diabierna, 20 Januari 2017 25

MFA Paradera atendiendo
MFA Paradera atendiendo

casi 5 mil usuario pa luna
casi 5 mil usuario pa luna

E siman aki gerencia di MFA Paradera a duna un presentacion na e
klankbordgroep riba funcionamento di e facilidad y kico ta e obhe-
tivonan pa 2017.
E reunion cu e grupo ‘Bos di Paradera’ a tuma luga den presencia di
Minister President Mike Eman y un di e puntonan mas resaltante ta
e cantidad grandi di persona cu ta bishita y haci uzo di e servicionan
den e edificio multifuncional.
“Nos tin un promedio di 350 bishitante pa dia y pa luna mas of me-
nos, entre cuater pa cinco mil bishitante”, asina Elton Hart, Manager
di MFA Paradera a duna di conoce.

Hart a splica cu te cu aworaki e personal di e diferente departamento
cu ta bou dak di MFA Paradera ta manehando e fluho grandi di usu-
ario na un manera satisfactorio.
Periodonan particularmente druk pa e edificio ta, p. e. aworaki pa
pago di number di auto na Servicio di Impuesto y diasabra un bes
pa luna ora di paga Onderstand.

E mesun nivel halto di aceptacion di e facilidad multinfuncional den
e districto central aki di Aruba a trece dilanti e necesidad pa mas luga
di parkeo. Gerencia a duna di conoce cu Fase 2 di construccion den e
proyecto ta bay inicia den luna di februari. Ta inclui un parkeerplaats
amplio cu dak di panel solar, similar na esun di aeropuerto.

Proximo siman MFA Paradera ta bay anuncia e serie di Siman di
Informacion cu coordinando hunto cu varios departamento y in-
stancianan local.
Cada siman lo brinda informacion riba otro tema di interes general
pa nos sociedad.
Algun di e organisacionnan cu ta participando ta Centro Kibrahaha-
cha, Fundacion Anti Droga Aruba, Tienda di Educacion y Telefon
pa Hubentud. Pa mas informacion, por ‘Like’ y bishita e pagina di
Facebook: MFA Paradera Aruba.