Page 12 - AWEMAINTA

12 AWEMainta Diamars, 21 Februari 2017

Fondo Nacional di Garantia pa Vivienda

a celebra 20 aña di existencia

DIA 14 di februari ultimo e Fundacion Fondo Nacional di Garantia pa Vivi-
enda pa cumpli 20 aña di existencia. Dia 15 di februari na Fort Zoutman, Hunta
Directiva, personal y invitadonan a bin hunto pa celebra e aniversario aki y na
mesun momento e Fundacion a lasa su website nobo www.fngvaruba.com.
Durante e celebracion aki Presidente di Hunta Directiva sr. Elmer Pieters y sr.
Frederick Arends, Director di e fundacion a hiba palabra.

Sr. Elmer Pieters a repasa e inicio di e fundacion cu a lanta na aña 1997 y su
desaroyo den e ultimo 20 añanan sirbiendo comunidad di Aruba.
Durante e añanan un total di riba 4100 garantia a ser ortoga n’e clientenan
p’asina yuda nan yega na nan propio hogar.
Tambe sr. Pieters a honra sr. Frederick Tromp, kende a cumpli 20 aña como
miembro di e fundacion. Na mesun momento e ta Director actual di Fondo
Nacional di Garantia pa Vivienda.

Sr. Frederick Arends a hiba palabra, na unda el a duna reconocimento na sra.
Dorothy MacJannet pa su 20 aña den servicio.
Sr. Arends despues a elabora riba e cambionan den e condicion general di e fun-
dacion cu a drenta na vigor entrante 1 di januari 2017. Alabes a lansa e website
nobo di e fundacion.
Un website cu ta mas interactivo cu cliente y institucionnan financiero.