Page 10 - AVB
P. 10
E resultado aki ta laga Britannia cu 29 punto den 12 wega hunga mientras cu La Fama ta
logra acumula un total di 28 punto den 13 wega hunga mientras cu RCA ta comanda e
tabla di posicion cu 31 punto den 13 wega hunga.
La Fama a subi tereno cu Hadassah Kol den porteria, den defensa tabtin Avril
Maldonado, Francien de Windt, Nicole Garcia y Jill Bislip.
Den medio campo a hunga Edriana Molina, Charmaine Boekhoudt, Aljesha Sweetnam,
Jeyceline Werleman y Shadira Croes mientras cu Yenhifer Huntington tabata den e liña
di atake.
Den di dos tempo Lorraine de Cuba a drenta na luga di Charmaine Boekhoudt mientras
cu Nikita Alexander drenta na luga di Edriana Molina.
E wega dialuna a cuminsa cu hopi expectativa caminda La Fama a bira e prome ekipo pa
crea situacion peligroso dilanti gol cu combinacion entre Yenhifer Huntington y Shadira
Croes pero caminda e tiro a pasa bando di gol di portero Kock.
