Page 62 - AVP

2 di October, 2019. Mester semper sigui desaroyo di comunidad y analisa tur
cos bon prome y mirando cu nos ta bibando den un pais democratico,
presidente di Parlamento a mustra cu mester ta transparante y sucha y tende y
tuma un decision. Sr. Thijsen a bisa cu un cos si mester wordo bisa ta cu den
bida mester tuma decision, pero keda sin tuma decision ta e cos di mas malo cu
por wordo haci. Presidente di Parlamento a sigui bisa cu e mes personalmente a
tuma manifesto di dos grupo, esta un grupo di Serlimary otro di MetaCorp y
akinan ta papia di e clase trahado principalmente sin papia di e parti comercial,
pero ta kere cu comunidad tambe ta biba cu esaki y mester tuma esaki hopi na
serio y purba di trate miho posibel pa tuma e miho decision. Semper ta bai tin
hende cu ta pro y contra pero con cu bira e situacion, asina democracia ta draai
pero ta presidente di Parlamento tin cu tuma decision. Pesey Sr. Ady Thijsen
kier dirigi su mes na politiconan y algun miembro di prensa cu ta haci uso di e
momentonan aki pa instiga, manipula y vooral Sr. Booshi Wever cu tabata hopi
aña den politica y tabata minister cu sa con e procesonan aki ta bai anto ta usa
e momentonan aki pa insulta hende, tira palabra y cu esaki sigur no ta gana
nada cune. Sr. Thijsen a sigui bisa, cu Wever sa pasobra e ta politico tanten cu
pone un reunion hopi cos por pasa. Por schors e reunion, por sigui cu esaki anto
bini cu cambio den forma di amienda y hasta por cambia ley, awo pa instiga cu
cuenta di “stempel parlament” cu presidente di Parlamento ta un yo-yo, esey ta
mustra e nivel cu ta hiba politica. Y ta pesey tambe pueblo no kier Booshi
Wever mas den Parlamento. Pero Sr. Thijsen ta sigui bisa cu toch Sr. Wever tin
libertad di expresion pero un cos ta conta pa tur otro hende tambe cu Aruba no
ta den momento aworaki cu mester tin instigacion y division y segrega pueblo,
pone gruponan contra otro. Aruba ta den momentonan dificil, momentonan cu
mester tuma decisionnan serio y esaki ta loke mester wordo haci tambe.
Finalmente presidente di Parlamento a bisa cu e lo bai percura pa e reunion di
Parlmento di Diaranson 2 di October, 2019 lo bai ta uno bon y no lo permiti
hacimento di desordo. Publico mas di bini pasobra e ta un reunion publico pero
kier pa publico mantene su mes netches tambe. Mester por hiba un reunion
fuerte, skerpi pero sigur cu respet pa otro y mester tene cuenta cu tur hende.

https://masnoticia.com/reunion-di-parlamento-riba-ley-di-serlimar-mester-ta-fuerte-skerpi-pero-
principalmente-cu-respet-pa-tur-hende/